| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৫. পঠমসীলসুত্তং
5. Paṭhamasīlasuttaṃ
৩২. ৰুত্তঞ্হেতং ভগৰতা, ৰুত্তমরহতাতি মে সুতং –
32. Vuttañhetaṃ bhagavatā, vuttamarahatāti me sutaṃ –
‘‘দ্ৰীহি, ভিক্খৰে, ধম্মেহি সমন্নাগতো পুগ্গলো যথাভতং নিক্খিত্তো এৰং নিরযে। কতমেহি দ্ৰীহি? পাপকেন চ সীলেন, পাপিকায চ দিট্ঠিযা। ইমেহি খো, ভিক্খৰে, দ্ৰীহি ধম্মেহি সমন্নাগতো পুগ্গলো যথাভতং নিক্খিত্তো এৰং নিরযে’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Dvīhi, bhikkhave, dhammehi samannāgato puggalo yathābhataṃ nikkhitto evaṃ niraye. Katamehi dvīhi? Pāpakena ca sīlena, pāpikāya ca diṭṭhiyā. Imehi kho, bhikkhave, dvīhi dhammehi samannāgato puggalo yathābhataṃ nikkhitto evaṃ niraye’’ti. Etamatthaṃ bhagavā avoca. Tatthetaṃ iti vuccati –
‘‘পাপকেন চ সীলেন, পাপিকায চ দিট্ঠিযা।
‘‘Pāpakena ca sīlena, pāpikāya ca diṭṭhiyā;
এতেহি দ্ৰীহি ধম্মেহি, যো সমন্নাগতো নরো।
Etehi dvīhi dhammehi, yo samannāgato naro;
কাযস্স ভেদা দুপ্পঞ্ঞো, নিরযং সোপপজ্জতী’’তি॥
Kāyassa bhedā duppañño, nirayaṃ sopapajjatī’’ti.
অযম্পি অত্থো ৰুত্তো ভগৰতা, ইতি মে সুতন্তি। পঞ্চমং।
Ayampi attho vutto bhagavatā, iti me sutanti. Pañcamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৫. পঠমসীলসুত্তৰণ্ণনা • 5. Paṭhamasīlasuttavaṇṇanā
