| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. པཋམསིཀྑཏྟཡསུཏྟཾ
9. Paṭhamasikkhattayasuttaṃ
༩༠. ‘‘ཏིསྶོ ཨིམཱ, བྷིཀྑཝེ, སིཀྑཱ། ཀཏམཱ ཏིསྶོ? ཨདྷིསཱིལསིཀྑཱ, ཨདྷིཙིཏྟསིཀྑཱ, ཨདྷིཔཉྙཱསིཀྑཱ།
90. ‘‘Tisso imā, bhikkhave, sikkhā. Katamā tisso? Adhisīlasikkhā, adhicittasikkhā, adhipaññāsikkhā.
‘‘ཀཏམཱ ཙ, བྷིཀྑཝེ, ཨདྷིསཱིལསིཀྑཱ? ཨིདྷ, བྷིཀྑཝེ, བྷིཀྑུ སཱིལཝཱ ཧོཏི…པེ॰… སམཱདཱཡ སིཀྑཏི སིཀྑཱཔདེསུ། ཨཡཾ ཝུཙྩཏི, བྷིཀྑཝེ, ཨདྷིསཱིལསིཀྑཱ།
‘‘Katamā ca, bhikkhave, adhisīlasikkhā? Idha, bhikkhave, bhikkhu sīlavā hoti…pe… samādāya sikkhati sikkhāpadesu. Ayaṃ vuccati, bhikkhave, adhisīlasikkhā.
‘‘ཀཏམཱ ཙ, བྷིཀྑཝེ, ཨདྷིཙིཏྟསིཀྑཱ? ཨིདྷ, བྷིཀྑཝེ, བྷིཀྑུ ཝིཝིཙྩེཝ ཀཱམེཧི…པེ॰… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི། ཨཡཾ ཝུཙྩཏི, བྷིཀྑཝེ, ཨདྷིཙིཏྟསིཀྑཱ།
‘‘Katamā ca, bhikkhave, adhicittasikkhā? Idha, bhikkhave, bhikkhu vivicceva kāmehi…pe… catutthaṃ jhānaṃ upasampajja viharati. Ayaṃ vuccati, bhikkhave, adhicittasikkhā.
‘‘ཀཏམཱ ཙ, བྷིཀྑཝེ, ཨདྷིཔཉྙཱསིཀྑཱ? ཨིདྷ, བྷིཀྑཝེ, བྷིཀྑུ ‘ཨིདཾ དུཀྑ’ནྟི ཡཐཱབྷཱུཏཾ པཛཱནཱཏི…པེ॰… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཡཐཱབྷཱུཏཾ པཛཱནཱཏི། ཨཡཾ ཝུཙྩཏི, བྷིཀྑཝེ, ཨདྷིཔཉྙཱསིཀྑཱ། ཨིམཱ ཁོ, བྷིཀྑཝེ, ཏིསྶོ སིཀྑཱ’’ཏི། ནཝམཾ།
‘‘Katamā ca, bhikkhave, adhipaññāsikkhā? Idha, bhikkhave, bhikkhu ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Ayaṃ vuccati, bhikkhave, adhipaññāsikkhā. Imā kho, bhikkhave, tisso sikkhā’’ti. Navamaṃ.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༧-༡༠. དུཏིཡསིཀྑཱསུཏྟཱདིཝཎྞནཱ • 7-10. Dutiyasikkhāsuttādivaṇṇanā
