| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၄. တုဝဋ္ဋဝဂ္ဂဝဏ္ဏနာ
4. Tuvaṭṭavaggavaṇṇanā
၁. ပဌမသိက္ခာပဒဝဏ္ဏနာ
1. Paṭhamasikkhāpadavaṇṇanā
၉၃၄-၅. ဧကာယ နိပန္နာယ အပရာ နိပဇ္ဇတိ, အာပတ္တိ ပာစိတ္တိယသ္သာတိ ‘‘ဥဘိန္နမ္ပိ ပဌမနိပန္နာယ အနုဋ္ဌာပနာ’’တိ ဝတ္ဝာ ဧတ္ထ ကိရိယာကိရိယန္တိ ဧကေ, တံ အဋ္ဌကထာယ ဝိရုဇ္ဈတိ။ ‘‘ကိရိယ’’န္တိ ဟိ အဋ္ဌကထာယံ ဝုတ္တံ။ အထ ကသ္သာ အာပတ္တီတိ? ဥဘိန္နမ္ပိ နိပဇ္ဇနကိရိယံ ပဋိစ္စ။ ဣမသ္သ အနာပတ္တိဝာရေ ‘‘ဝဝတ္ထာနံ ဒသ္သေတ္ဝာ’’တိ နတ္ထိ, တသ္မာ ဝဝတ္ထာနံ ကတ္ဝာ နိပဇ္ဇိတုံ န ဝဋ္ဋတီတိ ဧကေ။ ဝိပုလတရေ ဝဋ္ဋတီတိ ဧကေ။ ‘‘အန္တရံ ကတ္ဝာ နိပဇ္ဇိတုံ ဝဋ္ဋတီ’’တိ ပောရာဏဂဏ္ဌိပဒေ လိခိတံ။
934-5.Ekāya nipannāya aparā nipajjati, āpatti pācittiyassāti ‘‘ubhinnampi paṭhamanipannāya anuṭṭhāpanā’’ti vatvā ettha kiriyākiriyanti eke, taṃ aṭṭhakathāya virujjhati. ‘‘Kiriya’’nti hi aṭṭhakathāyaṃ vuttaṃ. Atha kassā āpattīti? Ubhinnampi nipajjanakiriyaṃ paṭicca. Imassa anāpattivāre ‘‘vavatthānaṃ dassetvā’’ti natthi, tasmā vavatthānaṃ katvā nipajjituṃ na vaṭṭatīti eke. Vipulatare vaṭṭatīti eke. ‘‘Antaraṃ katvā nipajjituṃ vaṭṭatī’’ti porāṇagaṇṭhipade likhitaṃ.
ပဌမသိက္ခာပဒဝဏ္ဏနာ နိဋ္ဌိတာ။
Paṭhamasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၁. ပဌမသိက္ခာပဒံ • 1. Paṭhamasikkhāpadaṃ
