| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
៤. តុវដ្ដវគ្គវណ្ណនា
4. Tuvaṭṭavaggavaṇṇanā
១. បឋមសិក្ខាបទវណ្ណនា
1. Paṭhamasikkhāpadavaṇṇanā
៩៣៤-៥. ឯកាយ និបន្នាយ អបរា និបជ្ជតិ, អាបត្តិ បាចិត្តិយស្សាតិ ‘‘ឧភិន្នម្បិ បឋមនិបន្នាយ អនុដ្ឋាបនា’’តិ វត្វា ឯត្ថ កិរិយាកិរិយន្តិ ឯកេ, តំ អដ្ឋកថាយ វិរុជ្ឈតិ។ ‘‘កិរិយ’’ន្តិ ហិ អដ្ឋកថាយំ វុត្តំ។ អថ កស្សា អាបត្តីតិ? ឧភិន្នម្បិ និបជ្ជនកិរិយំ បដិច្ច។ ឥមស្ស អនាបត្តិវារេ ‘‘វវត្ថានំ ទស្សេត្វា’’តិ នត្ថិ, តស្មា វវត្ថានំ កត្វា និបជ្ជិតុំ ន វដ្ដតីតិ ឯកេ។ វិបុលតរេ វដ្ដតីតិ ឯកេ។ ‘‘អន្តរំ កត្វា និបជ្ជិតុំ វដ្ដតី’’តិ បោរាណគណ្ឋិបទេ លិខិតំ។
934-5.Ekāya nipannāya aparā nipajjati, āpatti pācittiyassāti ‘‘ubhinnampi paṭhamanipannāya anuṭṭhāpanā’’ti vatvā ettha kiriyākiriyanti eke, taṃ aṭṭhakathāya virujjhati. ‘‘Kiriya’’nti hi aṭṭhakathāyaṃ vuttaṃ. Atha kassā āpattīti? Ubhinnampi nipajjanakiriyaṃ paṭicca. Imassa anāpattivāre ‘‘vavatthānaṃ dassetvā’’ti natthi, tasmā vavatthānaṃ katvā nipajjituṃ na vaṭṭatīti eke. Vipulatare vaṭṭatīti eke. ‘‘Antaraṃ katvā nipajjituṃ vaṭṭatī’’ti porāṇagaṇṭhipade likhitaṃ.
បឋមសិក្ខាបទវណ្ណនា និដ្ឋិតា។
Paṭhamasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ១. បឋមសិក្ខាបទំ • 1. Paṭhamasikkhāpadaṃ
