| Library / Tipiṭaka / તિપિટક • Tipiṭaka / વજિરબુદ્ધિ-ટીકા • Vajirabuddhi-ṭīkā |
૪. તુવટ્ટવગ્ગવણ્ણના
4. Tuvaṭṭavaggavaṇṇanā
૧. પઠમસિક્ખાપદવણ્ણના
1. Paṭhamasikkhāpadavaṇṇanā
૯૩૪-૫. એકાય નિપન્નાય અપરા નિપજ્જતિ, આપત્તિ પાચિત્તિયસ્સાતિ ‘‘ઉભિન્નમ્પિ પઠમનિપન્નાય અનુટ્ઠાપના’’તિ વત્વા એત્થ કિરિયાકિરિયન્તિ એકે, તં અટ્ઠકથાય વિરુજ્ઝતિ. ‘‘કિરિય’’ન્તિ હિ અટ્ઠકથાયં વુત્તં. અથ કસ્સા આપત્તીતિ? ઉભિન્નમ્પિ નિપજ્જનકિરિયં પટિચ્ચ. ઇમસ્સ અનાપત્તિવારે ‘‘વવત્થાનં દસ્સેત્વા’’તિ નત્થિ, તસ્મા વવત્થાનં કત્વા નિપજ્જિતું ન વટ્ટતીતિ એકે. વિપુલતરે વટ્ટતીતિ એકે. ‘‘અન્તરં કત્વા નિપજ્જિતું વટ્ટતી’’તિ પોરાણગણ્ઠિપદે લિખિતં.
934-5.Ekāya nipannāya aparā nipajjati, āpatti pācittiyassāti ‘‘ubhinnampi paṭhamanipannāya anuṭṭhāpanā’’ti vatvā ettha kiriyākiriyanti eke, taṃ aṭṭhakathāya virujjhati. ‘‘Kiriya’’nti hi aṭṭhakathāyaṃ vuttaṃ. Atha kassā āpattīti? Ubhinnampi nipajjanakiriyaṃ paṭicca. Imassa anāpattivāre ‘‘vavatthānaṃ dassetvā’’ti natthi, tasmā vavatthānaṃ katvā nipajjituṃ na vaṭṭatīti eke. Vipulatare vaṭṭatīti eke. ‘‘Antaraṃ katvā nipajjituṃ vaṭṭatī’’ti porāṇagaṇṭhipade likhitaṃ.
પઠમસિક્ખાપદવણ્ણના નિટ્ઠિતા.
Paṭhamasikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ભિક્ખુનીવિભઙ્ગ • Bhikkhunīvibhaṅga / ૧. પઠમસિક્ખાપદં • 1. Paṭhamasikkhāpadaṃ
