| Library / Tipiṭaka / तिपिटक • Tipiṭaka / वजिरबुद्धि-टीका • Vajirabuddhi-ṭīkā |
४. तुवट्टवग्गवण्णना
4. Tuvaṭṭavaggavaṇṇanā
१. पठमसिक्खापदवण्णना
1. Paṭhamasikkhāpadavaṇṇanā
९३४-५. एकाय निपन्नाय अपरा निपज्जति, आपत्ति पाचित्तियस्साति ‘‘उभिन्नम्पि पठमनिपन्नाय अनुट्ठापना’’ति वत्वा एत्थ किरियाकिरियन्ति एके, तं अट्ठकथाय विरुज्झति। ‘‘किरिय’’न्ति हि अट्ठकथायं वुत्तं। अथ कस्सा आपत्तीति? उभिन्नम्पि निपज्जनकिरियं पटिच्च। इमस्स अनापत्तिवारे ‘‘ववत्थानं दस्सेत्वा’’ति नत्थि, तस्मा ववत्थानं कत्वा निपज्जितुं न वट्टतीति एके। विपुलतरे वट्टतीति एके। ‘‘अन्तरं कत्वा निपज्जितुं वट्टती’’ति पोराणगण्ठिपदे लिखितं।
934-5.Ekāya nipannāya aparā nipajjati, āpatti pācittiyassāti ‘‘ubhinnampi paṭhamanipannāya anuṭṭhāpanā’’ti vatvā ettha kiriyākiriyanti eke, taṃ aṭṭhakathāya virujjhati. ‘‘Kiriya’’nti hi aṭṭhakathāyaṃ vuttaṃ. Atha kassā āpattīti? Ubhinnampi nipajjanakiriyaṃ paṭicca. Imassa anāpattivāre ‘‘vavatthānaṃ dassetvā’’ti natthi, tasmā vavatthānaṃ katvā nipajjituṃ na vaṭṭatīti eke. Vipulatare vaṭṭatīti eke. ‘‘Antaraṃ katvā nipajjituṃ vaṭṭatī’’ti porāṇagaṇṭhipade likhitaṃ.
पठमसिक्खापदवण्णना निट्ठिता।
Paṭhamasikkhāpadavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / भिक्खुनीविभङ्ग • Bhikkhunīvibhaṅga / १. पठमसिक्खापदं • 1. Paṭhamasikkhāpadaṃ
