| Library / Tipiṭaka / তিপিটক • Tipiṭaka / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā |
৬. আরামৰগ্গো
6. Ārāmavaggo
১. পঠমসিক্খাপদৰণ্ণনা
1. Paṭhamasikkhāpadavaṇṇanā
১০২৫. আরামৰগ্গস্স পঠমসিক্খাপদে – পরিক্খেপং অতিক্কামেন্তিযা, উপচারং ওক্কমন্তিযাতি এত্থ পঠমপাদে দুক্কটং, দুতিযপাদে পাচিত্তিযং।
1025. Ārāmavaggassa paṭhamasikkhāpade – parikkhepaṃ atikkāmentiyā, upacāraṃ okkamantiyāti ettha paṭhamapāde dukkaṭaṃ, dutiyapāde pācittiyaṃ.
১০২৭. সীসানুলোকিকাতি পঠমং পৰিসন্তীনং ভিক্খুনীনং সীসং অনুলোকেন্তী পৰিসতি, অনাপত্তি। যত্থ ভিক্খুনিযোতি যত্থ ভিক্খুনিযো পঠমতরং পৰিসিত্ৰা সজ্ঝাযচেতিযৰন্দনাদীনি করোন্তি, তত্থ তাসং সন্তিকং গচ্ছামীতি গন্তুং ৰট্টতি। আপদাসূতি কেনচি উপদ্দুতা হোতি, এৰরূপাসু আপদাসু পৰিসিতুং ৰট্টতি। সেসং উত্তানমেৰ।
1027.Sīsānulokikāti paṭhamaṃ pavisantīnaṃ bhikkhunīnaṃ sīsaṃ anulokentī pavisati, anāpatti. Yattha bhikkhuniyoti yattha bhikkhuniyo paṭhamataraṃ pavisitvā sajjhāyacetiyavandanādīni karonti, tattha tāsaṃ santikaṃ gacchāmīti gantuṃ vaṭṭati. Āpadāsūti kenaci upaddutā hoti, evarūpāsu āpadāsu pavisituṃ vaṭṭati. Sesaṃ uttānameva.
ধুরনিক্খেপসমুট্ঠানং – কিরিযাকিরিযং, সঞ্ঞাৰিমোক্খং, সচিত্তকং, পণ্ণত্তিৰজ্জং, কাযকম্মং, ৰচীকম্মং, তিচিত্তং, তিৰেদনন্তি।
Dhuranikkhepasamuṭṭhānaṃ – kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
পঠমসিক্খাপদং।
Paṭhamasikkhāpadaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ১. পঠমসিক্খাপদং • 1. Paṭhamasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. পঠমাদিসিক্খাপদৰণ্ণনা • 1. Paṭhamādisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১. পঠমসিক্খাপদ-অত্থযোজনা • 1. Paṭhamasikkhāpada-atthayojanā
