| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. པཋམསེཁསུཏྟཾ
9. Paṭhamasekhasuttaṃ
༨༩. ‘‘པཉྩིམེ, བྷིཀྑཝེ, དྷམྨཱ སེཁསྶ བྷིཀྑུནོ པརིཧཱནཱཡ སཾཝཏྟནྟི། ཀཏམེ པཉྩ ? ཀམྨཱརཱམཏཱ, བྷསྶཱརཱམཏཱ, ནིདྡཱརཱམཏཱ, སངྒཎིཀཱརཱམཏཱ, ཡཐཱཝིམུཏྟཾ ཙིཏྟཾ ན པཙྩཝེཀྑཏི – ཨིམེ ཁོ, བྷིཀྑཝེ, པཉྩ དྷམྨཱ སེཁསྶ བྷིཀྑུནོ པརིཧཱནཱཡ སཾཝཏྟནྟི།
89. ‘‘Pañcime, bhikkhave, dhammā sekhassa bhikkhuno parihānāya saṃvattanti. Katame pañca ? Kammārāmatā, bhassārāmatā, niddārāmatā, saṅgaṇikārāmatā, yathāvimuttaṃ cittaṃ na paccavekkhati – ime kho, bhikkhave, pañca dhammā sekhassa bhikkhuno parihānāya saṃvattanti.
‘‘པཉྩིམེ, བྷིཀྑཝེ, དྷམྨཱ སེཁསྶ བྷིཀྑུནོ ཨཔརིཧཱནཱཡ སཾཝཏྟནྟི། ཀཏམེ པཉྩ? ན ཀམྨཱརཱམཏཱ, ན བྷསྶཱརཱམཏཱ, ན ནིདྡཱརཱམཏཱ, ན སངྒཎིཀཱརཱམཏཱ, ཡཐཱཝིམུཏྟཾ ཙིཏྟཾ པཙྩཝེཀྑཏི – ཨིམེ ཁོ, བྷིཀྑཝེ, པཉྩ དྷམྨཱ སེཁསྶ བྷིཀྑུནོ ཨཔརིཧཱནཱཡ སཾཝཏྟནྟཱི’’ཏི། ནཝམཾ།
‘‘Pañcime, bhikkhave, dhammā sekhassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, na saṅgaṇikārāmatā, yathāvimuttaṃ cittaṃ paccavekkhati – ime kho, bhikkhave, pañca dhammā sekhassa bhikkhuno aparihānāya saṃvattantī’’ti. Navamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༩. པཋམསེཁསུཏྟཝཎྞནཱ • 9. Paṭhamasekhasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༩. པཋམསེཁསུཏྟཝཎྞནཱ • 9. Paṭhamasekhasuttavaṇṇanā
