| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๖. ปฐมเสขสุตฺตํ
6. Paṭhamasekhasuttaṃ
๑๖. วุตฺตเญฺหตํ ภควตา, วุตฺตมรหตาติ เม สุตํ –
16. Vuttañhetaṃ bhagavatā, vuttamarahatāti me sutaṃ –
‘‘เสขสฺส, ภิกฺขเว, ภิกฺขุโน อปฺปตฺตมานสสฺส อนุตฺตรํ โยคเกฺขมํ ปตฺถยมานสฺส วิหรโต อชฺฌตฺติกํ องฺคนฺติ กริตฺวา นาญฺญํ เอกงฺคมฺปิ สมนุปสฺสามิ ยํ เอวํ พหูปการํ ยถยิทํ, ภิกฺขเว, โยนิโส มนสิกาโรฯ โยนิโส, ภิกฺขเว, ภิกฺขุ มนสิ กโรโนฺต อกุสลํ ปชหติ , กุสลํ ภาเวตี’’ติ ฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Sekhassa, bhikkhave, bhikkhuno appattamānasassa anuttaraṃ yogakkhemaṃ patthayamānassa viharato ajjhattikaṃ aṅganti karitvā nāññaṃ ekaṅgampi samanupassāmi yaṃ evaṃ bahūpakāraṃ yathayidaṃ, bhikkhave, yoniso manasikāro. Yoniso, bhikkhave, bhikkhu manasi karonto akusalaṃ pajahati , kusalaṃ bhāvetī’’ti . Etamatthaṃ bhagavā avoca. Tatthetaṃ iti vuccati –
‘‘โยนิโส มนสิกาโร, ธโมฺม เสขสฺส ภิกฺขุโน;
‘‘Yoniso manasikāro, dhammo sekhassa bhikkhuno;
นตฺถโญฺญ เอวํ พหุกาโร, อุตฺตมตฺถสฺส ปตฺติยา;
Natthañño evaṃ bahukāro, uttamatthassa pattiyā;
โยนิโส ปทหํ ภิกฺขุ, ขยํ ทุกฺขสฺส ปาปุเณ’’ติฯ
Yoniso padahaṃ bhikkhu, khayaṃ dukkhassa pāpuṇe’’ti.
อยมฺปิ อโตฺถ วุโตฺต ภควตา, อิติ เม สุตนฺติฯ ฉฎฺฐํฯ
Ayampi attho vutto bhagavatā, iti me sutanti. Chaṭṭhaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๖. ปฐมเสขสุตฺตวณฺณนา • 6. Paṭhamasekhasuttavaṇṇanā
