| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৯. পঠমসেখসুত্তং
9. Paṭhamasekhasuttaṃ
৮৯. ‘‘পঞ্চিমে, ভিক্খৰে, ধম্মা সেখস্স ভিক্খুনো পরিহানায সংৰত্তন্তি। কতমে পঞ্চ ? কম্মারামতা, ভস্সারামতা, নিদ্দারামতা, সঙ্গণিকারামতা, যথাৰিমুত্তং চিত্তং ন পচ্চৰেক্খতি – ইমে খো, ভিক্খৰে, পঞ্চ ধম্মা সেখস্স ভিক্খুনো পরিহানায সংৰত্তন্তি।
89. ‘‘Pañcime, bhikkhave, dhammā sekhassa bhikkhuno parihānāya saṃvattanti. Katame pañca ? Kammārāmatā, bhassārāmatā, niddārāmatā, saṅgaṇikārāmatā, yathāvimuttaṃ cittaṃ na paccavekkhati – ime kho, bhikkhave, pañca dhammā sekhassa bhikkhuno parihānāya saṃvattanti.
‘‘পঞ্চিমে, ভিক্খৰে, ধম্মা সেখস্স ভিক্খুনো অপরিহানায সংৰত্তন্তি। কতমে পঞ্চ? ন কম্মারামতা, ন ভস্সারামতা, ন নিদ্দারামতা, ন সঙ্গণিকারামতা, যথাৰিমুত্তং চিত্তং পচ্চৰেক্খতি – ইমে খো, ভিক্খৰে, পঞ্চ ধম্মা সেখস্স ভিক্খুনো অপরিহানায সংৰত্তন্তী’’তি। নৰমং।
‘‘Pañcime, bhikkhave, dhammā sekhassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, na saṅgaṇikārāmatā, yathāvimuttaṃ cittaṃ paccavekkhati – ime kho, bhikkhave, pañca dhammā sekhassa bhikkhuno aparihānāya saṃvattantī’’ti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৯. পঠমসেখসুত্তৰণ্ণনা • 9. Paṭhamasekhasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৯. পঠমসেখসুত্তৰণ্ণনা • 9. Paṭhamasekhasuttavaṇṇanā
