| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౪-౫. పఠమసారిపుత్తసుత్తాదివణ్ణనా
4-5. Paṭhamasāriputtasuttādivaṇṇanā
౧౦౦౦-౧౦౦౧. చతుత్థ ఉత్తానమేవ. పఞ్చమే సోతాపత్తియఙ్గన్తి సోతాపత్తియా పుబ్బభాగపటిలాభఙ్గం. బుద్ధే అవేచ్చప్పసాదాదయో పన పటిలద్ధగుణా సోతాపన్నస్స అఙ్గా నామ, తేపి పన సోతాపత్తియఙ్గన్తి ఆగతా. తత్రాయం ద్విన్నమ్పి వచనత్థో – సప్పురిసే సేవన్తో భజన్తో పయిరుపాసన్తో ధమ్మం సుణన్తో యోనిసో మనసికరోన్తో ధమ్మానుధమ్మం పుబ్బభాగపటిపదం పటిపజ్జన్తో సోతాపత్తిం పటిలభతీతి సప్పురిససంసేవాదయో సోతాపత్తిఅత్థాయ అఙ్గన్తి సోతాపత్తియఙ్గం నామ, ఇతరే పఠమమగ్గసఙ్ఖాతాయ సోతాపత్తియా అఙ్గన్తిపి సోతాపత్తియఙ్గం, పటివిద్ధసోతాపత్తిమగ్గస్స సోతాపత్తిమగ్గో అఙ్గన్తిపి సోతాపత్తియఙ్గం.
1000-1001. Catuttha uttānameva. Pañcame sotāpattiyaṅganti sotāpattiyā pubbabhāgapaṭilābhaṅgaṃ. Buddhe aveccappasādādayo pana paṭiladdhaguṇā sotāpannassa aṅgā nāma, tepi pana sotāpattiyaṅganti āgatā. Tatrāyaṃ dvinnampi vacanattho – sappurise sevanto bhajanto payirupāsanto dhammaṃ suṇanto yoniso manasikaronto dhammānudhammaṃ pubbabhāgapaṭipadaṃ paṭipajjanto sotāpattiṃ paṭilabhatīti sappurisasaṃsevādayo sotāpattiatthāya aṅganti sotāpattiyaṅgaṃ nāma, itare paṭhamamaggasaṅkhātāya sotāpattiyā aṅgantipi sotāpattiyaṅgaṃ, paṭividdhasotāpattimaggassa sotāpattimaggo aṅgantipi sotāpattiyaṅgaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya
౪. పఠమసారిపుత్తసుత్తం • 4. Paṭhamasāriputtasuttaṃ
౫. దుతియసారిపుత్తసుత్తం • 5. Dutiyasāriputtasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪-౫. పఠమసారిపుత్తసుత్తాదివణ్ణనా • 4-5. Paṭhamasāriputtasuttādivaṇṇanā
