| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਪਠਮਸਰਣਾਨਿਸਕ੍ਕਸੁਤ੍ਤવਣ੍ਣਨਾ
4. Paṭhamasaraṇānisakkasuttavaṇṇanā
੧੦੨੦. ਚਤੁਤ੍ਥੇ ਇਧ ਮਹਾਨਾਮ ਏਕਚ੍ਚੋ ਪੁਗ੍ਗਲੋਤਿ ਇਦਂ ਨ ਕੇવਲਂ ਸਰਣਾਨਿ ਏવ ਅਪਾਯਤੋ ਮੁਤ੍ਤੋ, ਇਮੇਪਿ ਪੁਗ੍ਗਲਾ ਮੁਤ੍ਤਾਤਿ ਦਸ੍ਸੇਤੁਂ ਆਰਦ੍ਧਂ। ਮਤ੍ਤਸੋ ਨਿਜ੍ਝਾਨਂ ਖਮਨ੍ਤੀਤਿ ਪਮਾਣੇਨ ਚ ਓਲੋਕਨਂ ਖਮਨ੍ਤਿ। ਇਮਿਨਾ ਧਮ੍ਮਾਨੁਸਾਰਿਮਗ੍ਗਟ੍ਠਪੁਗ੍ਗਲਂ ਦਸ੍ਸੇਤਿ। ਅਗਨ੍ਤਾ ਨਿਰਯਨ੍ਤਿ ਮਗ੍ਗਟ੍ਠਪੁਗ੍ਗਲੋ ਹਿ ਅਪਾਯਤੋ ਪਰਿਮੁਤ੍ਤੋਤਿ વਾ ਪਰਿਮੁਚ੍ਚਿਸ੍ਸਤੀਤਿ વਾ વਤ੍ਤੁਂ ਨ વਟ੍ਟਤਿ, ਪਰਿਮੁਚ੍ਚਤੀਤਿ ਪਨ વਤ੍ਤੁਂ વਟ੍ਟਤਿ। ਯਸ੍ਮਾ ਚ ਪਰਿਮੁਚ੍ਚਤਿ, ਤਸ੍ਮਾ ਗਨ੍ਤਾ ਨਾਮ ਨ ਹੋਤੀਤਿ, ‘‘ਅਗਨ੍ਤਾ’’ਤਿ વੁਤ੍ਤੋ, ਨ ਗਚ੍ਛਤੀਤਿ ਅਤ੍ਥੋ। ਸਦ੍ਧਾਮਤ੍ਤਂ ਪੇਮਮਤ੍ਤਨ੍ਤਿ ਇਮਿਨਾ ਸਦ੍ਧਾਨੁਸਾਰਿਮਗ੍ਗਟ੍ਠਪੁਗ੍ਗਲਂ ਦਸ੍ਸੇਤਿ। ਮਹਾਸਾਲਾਤਿ ਸਮੀਪੇ ਠਿਤੇવ ਚਤ੍ਤਾਰੋ ਮਹਾਸਾਰਰੁਕ੍ਖੇ ਦਸ੍ਸੇਨ੍ਤੋ ਆਹ। ਮਰਣਕਾਲੇ ਸਿਕ੍ਖਂ ਸਮਾਦਿਯੀਤਿ ਮਰਣਸਮਯੇ ਤੀਸੁ ਸਿਕ੍ਖਾਸੁ ਪਰਿਪੂਰਕਾਰੀ ਅਹੋਸੀਤਿ ਦਸ੍ਸੇਤਿ।
1020. Catutthe idha mahānāma ekacco puggaloti idaṃ na kevalaṃ saraṇāni eva apāyato mutto, imepi puggalā muttāti dassetuṃ āraddhaṃ. Mattaso nijjhānaṃ khamantīti pamāṇena ca olokanaṃ khamanti. Iminā dhammānusārimaggaṭṭhapuggalaṃ dasseti. Agantā nirayanti maggaṭṭhapuggalo hi apāyato parimuttoti vā parimuccissatīti vā vattuṃ na vaṭṭati, parimuccatīti pana vattuṃ vaṭṭati. Yasmā ca parimuccati, tasmā gantā nāma na hotīti, ‘‘agantā’’ti vutto, na gacchatīti attho. Saddhāmattaṃ pemamattanti iminā saddhānusārimaggaṭṭhapuggalaṃ dasseti. Mahāsālāti samīpe ṭhiteva cattāro mahāsārarukkhe dassento āha. Maraṇakāle sikkhaṃ samādiyīti maraṇasamaye tīsu sikkhāsu paripūrakārī ahosīti dasseti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਪਠਮਸਰਣਾਨਿਸਕ੍ਕਸੁਤ੍ਤਂ • 4. Paṭhamasaraṇānisakkasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਪਠਮਸਰਣਾਨਿਸਕ੍ਕਸੁਤ੍ਤવਣ੍ਣਨਾ • 4. Paṭhamasaraṇānisakkasuttavaṇṇanā
