| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄. ပဌမသရဏာနိသက္ကသုတ္တဝဏ္ဏနာ
4. Paṭhamasaraṇānisakkasuttavaṇṇanā
၁၀၂၀. ပမာဏေနာတိ ဧကေန ပမာဏေန, န သဗ္ဗသော။ ဩလောကနံ ခမန္တီတိ ဒသ္သနမဂ္ဂေန စတုသစ္စဓမ္မာ ပစ္စတ္တံ ပသ္သိတဗ္ဗာ ပဋိဝိဇ္ဈိတဗ္ဗာ။ ပဌမမဂ္ဂက္ခဏေ ဟိ စတုသစ္စဓမ္မာ ဧကဒေသတောဝ ဒိဋ္ဌာ နာမ ဟောန္တိ။ ‘‘ပရိမုစ္စတီ’’တိ ပန ဝတ္တုံ ဝဋ္ဋတိ ပဋိဝိဇ္ဈနကိရိယာယ ဝတ္တမာနတ္တာ။ အဂန္တ္ဝာ အပာယေသု အနုပ္ပတ္တိရဟတ္တာ။ တေနာဟ ‘‘န ဂစ္ဆတီ’’တိ, န ဥပ္ပဇ္ဇတီတိ အတ္ထော။ မဟာသာရရုက္ခေ ဒသ္သေန္တော အာဟ – ‘‘ယော ကောစိ ဝိညုဇာတိကော မမ စေ ဂောစရံ ဂစ္ဆတိ, ဧကသ္သ အာဂမနံ အဝဉ္ဈံ အမောဃ’’န္တိ ဒသ္သေတုံ။
1020.Pamāṇenāti ekena pamāṇena, na sabbaso. Olokanaṃ khamantīti dassanamaggena catusaccadhammā paccattaṃ passitabbā paṭivijjhitabbā. Paṭhamamaggakkhaṇe hi catusaccadhammā ekadesatova diṭṭhā nāma honti. ‘‘Parimuccatī’’ti pana vattuṃ vaṭṭati paṭivijjhanakiriyāya vattamānattā. Agantvā apāyesu anuppattirahattā. Tenāha ‘‘na gacchatī’’ti, na uppajjatīti attho. Mahāsārarukkhe dassento āha – ‘‘yo koci viññujātiko mama ce gocaraṃ gacchati, ekassa āgamanaṃ avañjhaṃ amogha’’nti dassetuṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. ပဌမသရဏာနိသက္ကသုတ္တံ • 4. Paṭhamasaraṇānisakkasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ပဌမသရဏာနိသက္ကသုတ္တဝဏ္ဏနာ • 4. Paṭhamasaraṇānisakkasuttavaṇṇanā
