| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
४. पठमसरणानिसक्कसुत्तवण्णना
4. Paṭhamasaraṇānisakkasuttavaṇṇanā
१०२०. पमाणेनाति एकेन पमाणेन, न सब्बसो। ओलोकनं खमन्तीति दस्सनमग्गेन चतुसच्चधम्मा पच्चत्तं पस्सितब्बा पटिविज्झितब्बा। पठममग्गक्खणे हि चतुसच्चधम्मा एकदेसतोव दिट्ठा नाम होन्ति। ‘‘परिमुच्चती’’ति पन वत्तुं वट्टति पटिविज्झनकिरियाय वत्तमानत्ता। अगन्त्वा अपायेसु अनुप्पत्तिरहत्ता। तेनाह ‘‘न गच्छती’’ति, न उप्पज्जतीति अत्थो। महासाररुक्खे दस्सेन्तो आह – ‘‘यो कोचि विञ्ञुजातिको मम चे गोचरं गच्छति, एकस्स आगमनं अवञ्झं अमोघ’’न्ति दस्सेतुं।
1020.Pamāṇenāti ekena pamāṇena, na sabbaso. Olokanaṃ khamantīti dassanamaggena catusaccadhammā paccattaṃ passitabbā paṭivijjhitabbā. Paṭhamamaggakkhaṇe hi catusaccadhammā ekadesatova diṭṭhā nāma honti. ‘‘Parimuccatī’’ti pana vattuṃ vaṭṭati paṭivijjhanakiriyāya vattamānattā. Agantvā apāyesu anuppattirahattā. Tenāha ‘‘na gacchatī’’ti, na uppajjatīti attho. Mahāsārarukkhe dassento āha – ‘‘yo koci viññujātiko mama ce gocaraṃ gacchati, ekassa āgamanaṃ avañjhaṃ amogha’’nti dassetuṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ४. पठमसरणानिसक्कसुत्तं • 4. Paṭhamasaraṇānisakkasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ४. पठमसरणानिसक्कसुत्तवण्णना • 4. Paṭhamasaraṇānisakkasuttavaṇṇanā
