| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༦. པཋམསངྒྷིཀཙེཏཱཔནསིཀྑཱཔདཝཎྞནཱ
6. Paṭhamasaṅghikacetāpanasikkhāpadavaṇṇanā
ཨཉྙསྶཏྠཱཡ དིནྣེནཱཏི ཡཾ ཙེཏཱཔེཏི, ཏཏོ ཨཉྙསྶཏྠཱཡ དིནྣེན། ཨཉྙུདྡིསིཀེནཱཏི པུརིམསྶེཝཏྠདཱིཔནཾ།
Aññassatthāya dinnenāti yaṃ cetāpeti, tato aññassatthāya dinnena. Aññuddisikenāti purimassevatthadīpanaṃ.
སེསཀཾ ཨུཔནེནྟིཡཱཏི ཡདཏྠཱཡ དིནྣོ, ཏཾ ཙེཏཱཔེཏྭཱ ཨཝསེསཾ ཨཉྙསྶཏྠཱཡ ཨུཔནེནྟིཡཱ། སཱམིཀེ ཨཔལོཀེཏྭཱཏི དཱཡཀེ ཨཱཔུཙྪིཏྭཱ། ཨེཝརཱུཔཱསཱུ ཨཱཔདཱསུ ཨུཔནེནྟཱིནནྟི ཨེཝརཱུཔེསུ ཨུཔདྡཝེསུ ཨཉྙསྶ ཡསྶ ཀསྶཙི ཨཏྠཱཡ ཨུཔནེནྟཱིནཾ།
Sesakaṃ upanentiyāti yadatthāya dinno, taṃ cetāpetvā avasesaṃ aññassatthāya upanentiyā. Sāmike apaloketvāti dāyake āpucchitvā. Evarūpāsū āpadāsu upanentīnanti evarūpesu upaddavesu aññassa yassa kassaci atthāya upanentīnaṃ.
པཋམསངྒྷིཀཙེཏཱཔནསིཀྑཱཔདཝཎྞནཱ ནིཊྛིཏཱ།
Paṭhamasaṅghikacetāpanasikkhāpadavaṇṇanā niṭṭhitā.
