| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၆. ပဌမသင္ဃိကစေတာပနသိက္ခာပဒဝဏ္ဏနာ
6. Paṭhamasaṅghikacetāpanasikkhāpadavaṇṇanā
အညသ္သတ္ထာယ ဒိန္နေနာတိ ယံ စေတာပေတိ, တတော အညသ္သတ္ထာယ ဒိန္နေန။ အညုဒ္ဒိသိကေနာတိ ပုရိမသ္သေဝတ္ထဒီပနံ။
Aññassatthāya dinnenāti yaṃ cetāpeti, tato aññassatthāya dinnena. Aññuddisikenāti purimassevatthadīpanaṃ.
သေသကံ ဥပနေန္တိယာတိ ယဒတ္ထာယ ဒိန္နော, တံ စေတာပေတ္ဝာ အဝသေသံ အညသ္သတ္ထာယ ဥပနေန္တိယာ။ သာမိကေ အပလောကေတ္ဝာတိ ဒာယကေ အာပုစ္ဆိတ္ဝာ။ ဧဝရူပာသူ အာပဒာသု ဥပနေန္တီနန္တိ ဧဝရူပေသု ဥပဒ္ဒဝေသု အညသ္သ ယသ္သ ကသ္သစိ အတ္ထာယ ဥပနေန္တီနံ။
Sesakaṃ upanentiyāti yadatthāya dinno, taṃ cetāpetvā avasesaṃ aññassatthāya upanentiyā. Sāmike apaloketvāti dāyake āpucchitvā. Evarūpāsū āpadāsu upanentīnanti evarūpesu upaddavesu aññassa yassa kassaci atthāya upanentīnaṃ.
ပဌမသင္ဃိကစေတာပနသိက္ခာပဒဝဏ္ဏနာ နိဋ္ဌိတာ။
Paṭhamasaṅghikacetāpanasikkhāpadavaṇṇanā niṭṭhitā.
