| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૬. પઠમસઙ્ઘિકચેતાપનસિક્ખાપદવણ્ણના
6. Paṭhamasaṅghikacetāpanasikkhāpadavaṇṇanā
અઞ્ઞસ્સત્થાય દિન્નેનાતિ યં ચેતાપેતિ, તતો અઞ્ઞસ્સત્થાય દિન્નેન. અઞ્ઞુદ્દિસિકેનાતિ પુરિમસ્સેવત્થદીપનં.
Aññassatthāya dinnenāti yaṃ cetāpeti, tato aññassatthāya dinnena. Aññuddisikenāti purimassevatthadīpanaṃ.
સેસકં ઉપનેન્તિયાતિ યદત્થાય દિન્નો, તં ચેતાપેત્વા અવસેસં અઞ્ઞસ્સત્થાય ઉપનેન્તિયા. સામિકે અપલોકેત્વાતિ દાયકે આપુચ્છિત્વા. એવરૂપાસૂ આપદાસુ ઉપનેન્તીનન્તિ એવરૂપેસુ ઉપદ્દવેસુ અઞ્ઞસ્સ યસ્સ કસ્સચિ અત્થાય ઉપનેન્તીનં.
Sesakaṃ upanentiyāti yadatthāya dinno, taṃ cetāpetvā avasesaṃ aññassatthāya upanentiyā. Sāmike apaloketvāti dāyake āpucchitvā. Evarūpāsū āpadāsu upanentīnanti evarūpesu upaddavesu aññassa yassa kassaci atthāya upanentīnaṃ.
પઠમસઙ્ઘિકચેતાપનસિક્ખાપદવણ્ણના નિટ્ઠિતા.
Paṭhamasaṅghikacetāpanasikkhāpadavaṇṇanā niṭṭhitā.
