| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౬. పఠమసఙ్ఘికచేతాపనసిక్ఖాపదవణ్ణనా
6. Paṭhamasaṅghikacetāpanasikkhāpadavaṇṇanā
అఞ్ఞస్సత్థాయ దిన్నేనాతి యం చేతాపేతి, తతో అఞ్ఞస్సత్థాయ దిన్నేన. అఞ్ఞుద్దిసికేనాతి పురిమస్సేవత్థదీపనం.
Aññassatthāya dinnenāti yaṃ cetāpeti, tato aññassatthāya dinnena. Aññuddisikenāti purimassevatthadīpanaṃ.
సేసకం ఉపనేన్తియాతి యదత్థాయ దిన్నో, తం చేతాపేత్వా అవసేసం అఞ్ఞస్సత్థాయ ఉపనేన్తియా. సామికే అపలోకేత్వాతి దాయకే ఆపుచ్ఛిత్వా. ఏవరూపాసూ ఆపదాసు ఉపనేన్తీనన్తి ఏవరూపేసు ఉపద్దవేసు అఞ్ఞస్స యస్స కస్సచి అత్థాయ ఉపనేన్తీనం.
Sesakaṃ upanentiyāti yadatthāya dinno, taṃ cetāpetvā avasesaṃ aññassatthāya upanentiyā. Sāmike apaloketvāti dāyake āpucchitvā. Evarūpāsū āpadāsu upanentīnanti evarūpesu upaddavesu aññassa yassa kassaci atthāya upanentīnaṃ.
పఠమసఙ్ఘికచేతాపనసిక్ఖాపదవణ్ణనా నిట్ఠితా.
Paṭhamasaṅghikacetāpanasikkhāpadavaṇṇanā niṭṭhitā.
