| Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. батамасан̇г̇аамасуд̇д̇аван̣н̣анаа
4. Paṭhamasaṅgāmasuttavaṇṇanā
125. жад̇уд̇т̇з взд̣̇зхибуд̇д̇од̇и взд̣̇зхийд̇и бан̣д̣ид̇аад̇хиважанамзд̇ам̣, бан̣д̣ид̇ид̇т̇ияаа буд̇д̇од̇и ад̇т̇о. жад̇уран̇г̇ининд̇и хад̇т̇иассарат̇абад̇д̇исан̇каад̇зхи жад̇уухи ан̇г̇зхи саманнааг̇ад̇ам̣. саннаяхид̇ваад̇и жаммабадимун̃жанаад̣̇ийхи саннаахам̣ гаарзд̇ваа. сан̇г̇аамзсунд̇и яуж̇жхим̣су. гзна гааран̣зна? махаагосаларан̃н̃аа гира б̣имб̣исаарасса д̇хийд̇арам̣ д̣̇знд̇зна д̣̇виннам̣ раж̇ж̇аанам̣ анд̇арз сад̇асахассудтаано гаасиг̇аамо наама д̇хийд̇у д̣̇инно. аж̇аад̇асад̇д̇унаа жа бид̇ари маарид̇з маад̇аабисса ран̃н̃о вияог̇асогзна нажирассзва мад̇аа. д̇ад̇о рааж̇аа басзнад̣̇и госало – ‘‘аж̇аад̇асад̇д̇унаа маад̇аабид̇аро маарид̇аа, маяхам̣ бид̇у санд̇аго г̇аамо’’д̇и д̇ассад̇т̇ааяа ад̣д̣ам̣ гарод̇и. аж̇аад̇асад̇д̇уби ‘‘маяхам̣ маад̇у санд̇аго’’д̇и д̇асса г̇аамассад̇т̇ааяа д̣̇взби маад̇улабхааг̇инзяяаа яуж̇жхим̣су.
125. Catutthe vedehiputtoti vedehīti paṇḍitādhivacanametaṃ, paṇḍititthiyā puttoti attho. Caturaṅgininti hatthiassarathapattisaṅkhātehi catūhi aṅgehi samannāgataṃ. Sannayhitvāti cammapaṭimuñcanādīhi sannāhaṃ kāretvā. Saṅgāmesunti yujjhiṃsu. Kena kāraṇena? Mahākosalaraññā kira bimbisārassa dhītaraṃ dentena dvinnaṃ rajjānaṃ antare satasahassuṭṭhāno kāsigāmo nāma dhītu dinno. Ajātasattunā ca pitari mārite mātāpissa rañño viyogasokena nacirasseva matā. Tato rājā pasenadi kosalo – ‘‘ajātasattunā mātāpitaro māritā, mayhaṃ pitu santako gāmo’’ti tassatthāya aḍḍaṃ karoti. Ajātasattupi ‘‘mayhaṃ mātu santako’’ti tassa gāmassatthāya dvepi mātulabhāgineyyā yujjhiṃsu.
баабаа д̣̇звад̣̇ад̇д̇аад̣̇аяо мид̇д̇аа ассаад̇и баабамид̇д̇о. д̇зязвасса сахааяаад̇и баабасахааяо. д̇зсвзвасса жид̇д̇ам̣ ниннам̣ самбаван̇ганд̇и баабасамбаван̇го. басзнад̣̇исса саарибуд̇д̇ад̇т̇зраад̣̇ийнам̣ васзна галяаан̣амид̇д̇аад̣̇ид̇аа взд̣̇ид̇аб̣б̣аа. д̣̇угкам̣ сзд̇ийд̇и ж̇ид̇аани хад̇т̇иаад̣̇ийни анусожанд̇о д̣̇угкам̣ саяиссад̇и. ид̣̇ам̣ бхаг̇аваа буна д̇асса ж̇аяагааран̣ам̣ д̣̇исваа ааха. ж̇аяам̣ взрам̣ басавад̇ийд̇и ж̇инанд̇о взрам̣ басавад̇и, взрибуг̇г̇алам̣ лабхад̇и. жад̇уд̇т̇ам̣.
Pāpā devadattādayo mittā assāti pāpamitto. Teyevassa sahāyāti pāpasahāyo. Tesvevassa cittaṃ ninnaṃ sampavaṅkanti pāpasampavaṅko. Pasenadissa sāriputtattherādīnaṃ vasena kalyāṇamittāditā veditabbā. Dukkhaṃ setīti jitāni hatthiādīni anusocanto dukkhaṃ sayissati. Idaṃ bhagavā puna tassa jayakāraṇaṃ disvā āha. Jayaṃ veraṃ pasavatīti jinanto veraṃ pasavati, veripuggalaṃ labhati. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. батамасан̇г̇аамасуд̇д̇ам̣ • 4. Paṭhamasaṅgāmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. батамасан̇г̇аамасуд̇д̇аван̣н̣анаа • 4. Paṭhamasaṅgāmasuttavaṇṇanā
