| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๘. สมุทฺทวโคฺค
18. Samuddavaggo
๑. ปฐมสมุทฺทสุตฺตํ
1. Paṭhamasamuddasuttaṃ
๒๒๘. ‘‘‘สมุโทฺท , สมุโทฺท’ติ, ภิกฺขเว, อสฺสุตวา ปุถุชฺชโน ภาสติฯ เนโส, ภิกฺขเว, อริยสฺส วินเย สมุโทฺทฯ มหา เอโส, ภิกฺขเว, อุทกราสิ มหาอุทกณฺณโวฯ จกฺขุ, ภิกฺขเว, ปุริสสฺส สมุโทฺท; ตสฺส รูปมโย เวโคฯ โย ตํ รูปมยํ เวคํ สหติ, อยํ วุจฺจติ, ภิกฺขเว, อตริ จกฺขุสมุทฺทํ สอูมิํ สาวฎฺฎํ สคาหํ สรกฺขสํ; ติโณฺณ ปารงฺคโต ถเล ติฎฺฐติ พฺราหฺมโณ…เป.… ชิวฺหา, ภิกฺขเว, ปุริสสฺส สมุโทฺท; ตสฺส รสมโย เวโคฯ โย ตํ รสมยํ เวคํ สหติ, อยํ วุจฺจติ, ภิกฺขเว, อตริ ชิวฺหาสมุทฺทํ สอูมิํ สาวฎฺฎํ สคาหํ สรกฺขสํ; ติโณฺณ ปารงฺคโต ถเล ติฎฺฐติ พฺราหฺมโณ…เป.… มโน, ภิกฺขเว, ปุริสสฺส สมุโทฺท; ตสฺส ธมฺมมโย เวโคฯ โย ตํ ธมฺมมยํ เวคํ สหติ, อยํ วุจฺจติ, ภิกฺขเว, อตริ มโนสมุทฺทํ สอูมิํ สาวฎฺฎํ สคาหํ สรกฺขสํ; ติโณฺณ ปารงฺคโต ถเล ติฎฺฐติ พฺราหฺมโณ’’ติฯ อิทมโวจ…เป.… สตฺถา –
228. ‘‘‘Samuddo , samuddo’ti, bhikkhave, assutavā puthujjano bhāsati. Neso, bhikkhave, ariyassa vinaye samuddo. Mahā eso, bhikkhave, udakarāsi mahāudakaṇṇavo. Cakkhu, bhikkhave, purisassa samuddo; tassa rūpamayo vego. Yo taṃ rūpamayaṃ vegaṃ sahati, ayaṃ vuccati, bhikkhave, atari cakkhusamuddaṃ saūmiṃ sāvaṭṭaṃ sagāhaṃ sarakkhasaṃ; tiṇṇo pāraṅgato thale tiṭṭhati brāhmaṇo…pe… jivhā, bhikkhave, purisassa samuddo; tassa rasamayo vego. Yo taṃ rasamayaṃ vegaṃ sahati, ayaṃ vuccati, bhikkhave, atari jivhāsamuddaṃ saūmiṃ sāvaṭṭaṃ sagāhaṃ sarakkhasaṃ; tiṇṇo pāraṅgato thale tiṭṭhati brāhmaṇo…pe… mano, bhikkhave, purisassa samuddo; tassa dhammamayo vego. Yo taṃ dhammamayaṃ vegaṃ sahati, ayaṃ vuccati, bhikkhave, atari manosamuddaṃ saūmiṃ sāvaṭṭaṃ sagāhaṃ sarakkhasaṃ; tiṇṇo pāraṅgato thale tiṭṭhati brāhmaṇo’’ti. Idamavoca…pe… satthā –
‘‘โย อิมํ สมุทฺทํ สคาหํ สรกฺขสํ,
‘‘Yo imaṃ samuddaṃ sagāhaṃ sarakkhasaṃ,
สอูมิํ สาวฎฺฎํ สภยํ ทุตฺตรํ อจฺจตริ;
Saūmiṃ sāvaṭṭaṃ sabhayaṃ duttaraṃ accatari;
ส เวทคู วุสิตพฺรหฺมจริโย,
Sa vedagū vusitabrahmacariyo,
โลกนฺตคู ปารคโตติ วุจฺจตี’’ติฯ ปฐมํ;
Lokantagū pāragatoti vuccatī’’ti. paṭhamaṃ;
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑. ปฐมสมุทฺทสุตฺตวณฺณนา • 1. Paṭhamasamuddasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑. ปฐมสมุทฺทสุตฺตวณฺณนา • 1. Paṭhamasamuddasuttavaṇṇanā
