| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៥. បឋមសម្បទាសុត្តំ
5. Paṭhamasampadāsuttaṃ
៧៥. ‘‘អដ្ឋិមា , ភិក្ខវេ, សម្បទា។ កតមា អដ្ឋ? 1 ឧដ្ឋានសម្បទា, អារក្ខសម្បទា, កល្យាណមិត្តតា, សមជីវិតា, សទ្ធាសម្បទា, សីលសម្បទា, ចាគសម្បទា, បញ្ញាសម្បទា – ឥមា ខោ, ភិក្ខវេ, អដ្ឋ សម្បទា’’តិ។
75. ‘‘Aṭṭhimā , bhikkhave, sampadā. Katamā aṭṭha? 2 Uṭṭhānasampadā, ārakkhasampadā, kalyāṇamittatā, samajīvitā, saddhāsampadā, sīlasampadā, cāgasampadā, paññāsampadā – imā kho, bhikkhave, aṭṭha sampadā’’ti.
‘‘ឧដ្ឋាតា កម្មធេយ្យេសុ, អប្បមត្តោ វិធានវា;
‘‘Uṭṭhātā kammadheyyesu, appamatto vidhānavā;
សមំ កប្បេតិ ជីវិកំ, សម្ភតំ អនុរក្ខតិ។
Samaṃ kappeti jīvikaṃ, sambhataṃ anurakkhati.
‘‘សទ្ធោ សីលេន សម្បន្នោ, វទញ្ញូ វីតមច្ឆរោ;
‘‘Saddho sīlena sampanno, vadaññū vītamaccharo;
និច្ចំ មគ្គំ វិសោធេតិ, សោត្ថានំ សម្បរាយិកំ។
Niccaṃ maggaṃ visodheti, sotthānaṃ samparāyikaṃ.
‘‘ឥច្ចេតេ អដ្ឋ ធម្មា ច, សទ្ធស្ស ឃរមេសិនោ;
‘‘Iccete aṭṭha dhammā ca, saddhassa gharamesino;
អក្ខាតា សច្ចនាមេន, ឧភយត្ថ សុខាវហា។
Akkhātā saccanāmena, ubhayattha sukhāvahā.
‘‘ទិដ្ឋធម្មហិតត្ថាយ, សម្បរាយសុខាយ ច;
‘‘Diṭṭhadhammahitatthāya, samparāyasukhāya ca;
ឯវមេតំ គហដ្ឋានំ, ចាគោ បុញ្ញំ បវឌ្ឍតី’’តិ។ បញ្ចមំ;
Evametaṃ gahaṭṭhānaṃ, cāgo puññaṃ pavaḍḍhatī’’ti. pañcamaṃ;
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៣-៩. មរណស្សតិសុត្តទ្វយាទិវណ្ណនា • 3-9. Maraṇassatisuttadvayādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-១០. សទ្ធាសុត្តាទិវណ្ណនា • 1-10. Saddhāsuttādivaṇṇanā
