| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൪. ചതുത്ഥപണ്ണാസകം
4. Catutthapaṇṇāsakaṃ
(൧൬) ൧. സദ്ധമ്മവഗ്ഗോ
(16) 1. Saddhammavaggo
൧. പഠമസമ്മത്തനിയാമസുത്തവണ്ണനാ
1. Paṭhamasammattaniyāmasuttavaṇṇanā
൧൫൧. ചതുത്ഥസ്സ പഠമേ അഭബ്ബോ നിയാമം ഓക്കമിതും കുസലേസു ധമ്മേസു സമ്മത്തന്തി കുസലേസു ധമ്മേസു സമ്മത്തഭൂതം മഗ്ഗനിയാമം ഓക്കമിതും അഭബ്ബോ അഭാജനം. കഥം പരിഭോതീതിആദീസു ‘‘കിം കഥാ നാമ ഏസാ’’തി വദന്തോ കഥം പരിഭോതി നാമ. ‘‘കിം നാമേസ കഥേതി, കിം അയം ജാനാതീ’’തി വദന്തോ കഥികം പരിഭോതി നാമ. ‘‘മയം കിം ജാനാമ, കുതോ അമ്ഹാകം ഏതം സോതും ബല’’ന്തി വദന്തോ അത്താനം പരിഭോതി നാമ. വിപരിയായേന സുക്കപക്ഖോ വേദിതബ്ബോ.
151. Catutthassa paṭhame abhabbo niyāmaṃ okkamituṃ kusalesu dhammesu sammattanti kusalesu dhammesu sammattabhūtaṃ magganiyāmaṃ okkamituṃ abhabbo abhājanaṃ. Kathaṃ paribhotītiādīsu ‘‘kiṃ kathā nāma esā’’ti vadanto kathaṃ paribhoti nāma. ‘‘Kiṃ nāmesa katheti, kiṃ ayaṃ jānātī’’ti vadanto kathikaṃ paribhoti nāma. ‘‘Mayaṃ kiṃ jānāma, kuto amhākaṃ etaṃ sotuṃ bala’’nti vadanto attānaṃ paribhoti nāma. Vipariyāyena sukkapakkho veditabbo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧. പഠമസമ്മത്തനിയാമസുത്തം • 1. Paṭhamasammattaniyāmasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / (൧൬) ൧. സദ്ധമ്മവഗ്ഗോ • (16) 1. Saddhammavaggo
