| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៤. ចតុត្ថបណ្ណាសកំ
4. Catutthapaṇṇāsakaṃ
(១៦) ១. សទ្ធម្មវគ្គោ
(16) 1. Saddhammavaggo
១. បឋមសម្មត្តនិយាមសុត្តវណ្ណនា
1. Paṭhamasammattaniyāmasuttavaṇṇanā
១៥១. ចតុត្ថស្ស បឋមេ អភព្ពោ និយាមំ ឱក្កមិតុំ កុសលេសុ ធម្មេសុ សម្មត្តន្តិ កុសលេសុ ធម្មេសុ សម្មត្តភូតំ មគ្គនិយាមំ ឱក្កមិតុំ អភព្ពោ អភាជនំ។ កថំ បរិភោតីតិអាទីសុ ‘‘កិំ កថា នាម ឯសា’’តិ វទន្តោ កថំ បរិភោតិ នាម។ ‘‘កិំ នាមេស កថេតិ, កិំ អយំ ជានាតី’’តិ វទន្តោ កថិកំ បរិភោតិ នាម។ ‘‘មយំ កិំ ជានាម, កុតោ អម្ហាកំ ឯតំ សោតុំ ពល’’ន្តិ វទន្តោ អត្តានំ បរិភោតិ នាម។ វិបរិយាយេន សុក្កបក្ខោ វេទិតព្ពោ។
151. Catutthassa paṭhame abhabbo niyāmaṃ okkamituṃ kusalesu dhammesu sammattanti kusalesu dhammesu sammattabhūtaṃ magganiyāmaṃ okkamituṃ abhabbo abhājanaṃ. Kathaṃ paribhotītiādīsu ‘‘kiṃ kathā nāma esā’’ti vadanto kathaṃ paribhoti nāma. ‘‘Kiṃ nāmesa katheti, kiṃ ayaṃ jānātī’’ti vadanto kathikaṃ paribhoti nāma. ‘‘Mayaṃ kiṃ jānāma, kuto amhākaṃ etaṃ sotuṃ bala’’nti vadanto attānaṃ paribhoti nāma. Vipariyāyena sukkapakkho veditabbo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១. បឋមសម្មត្តនិយាមសុត្តំ • 1. Paṭhamasammattaniyāmasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / (១៦) ១. សទ្ធម្មវគ្គោ • (16) 1. Saddhammavaggo
