| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
২. পঠমসংখিত্তসুত্তং
2. Paṭhamasaṃkhittasuttaṃ
৪৮২. ‘‘পঞ্চিমানি , ভিক্খৰে, ইন্দ্রিযানি। কতমানি পঞ্চ? সদ্ধিন্দ্রিযং…পে॰… পঞ্ঞিন্দ্রিযং – ইমানি খো, ভিক্খৰে, পঞ্চিন্দ্রিযানি। ইমেসং খো, ভিক্খৰে, পঞ্চন্নং ইন্দ্রিযানং সমত্তা পরিপূরত্তা অরহং হোতি, ততো মুদুতরেহি অনাগামী হোতি, ততো মুদুতরেহি সকদাগামী হোতি, ততো মুদুতরেহি সোতাপন্নো হোতি, ততো মুদুতরেহি ধম্মানুসারী হোতি, ততো মুদুতরেহি সদ্ধানুসারী হোতী’’তি। দুতিযং।
482. ‘‘Pañcimāni , bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi anāgāmī hoti, tato mudutarehi sakadāgāmī hoti, tato mudutarehi sotāpanno hoti, tato mudutarehi dhammānusārī hoti, tato mudutarehi saddhānusārī hotī’’ti. Dutiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. পঠমসংখিত্তসুত্তৰণ্ণনা • 2. Paṭhamasaṃkhittasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২. পঠমসংখিত্তসুত্তৰণ্ণনা • 2. Paṭhamasaṃkhittasuttavaṇṇanā
