| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၇. ပဌမသမယသုတ္တဝဏ္ဏနာ
7. Paṭhamasamayasuttavaṇṇanā
၂၇. သတ္တမေ မနောဘာဝနီယသ္သာတိ ဧတ္ထ မနံ ဘာဝေတိ ဝဍ္ဎေတီတိ မနောဘာဝနီယော။ ဒသ္သနာယာတိ ဒသ္သနတ္ထံ။ နိသ္သရဏန္တိ နိဂ္ဂမနံ ဝူပသမနံ။ ဓမ္မံ ဒေသေတီတိ ကာမရာဂပ္ပဇဟနတ္ထာယ အသုဘကမ္မဋ္ဌာနံ ကထေတိ။ ဒုတိယဝာရာဒီသု ဗ္ယာပာဒပ္ပဟာနာယ မေတ္တာကမ္မဋ္ဌာနံ, ထိနမိဒ္ဓပ္ပဟာနာယ ထိနမိဒ္ဓဝိနောဒနကမ္မဋ္ဌာနံ, အာလောကသညံ ဝာ ဝီရိယာရမ္ဘဝတ္ထုအာဒီနံ ဝာ အညတရံ, ဥဒ္ဓစ္စကုက္ကုစ္စပ္ပဟာနာယ သမထကမ္မဋ္ဌာနံ, ဝိစိကိစ္ဆာပဟာနာယ တိဏ္ဏံ ရတနာနံ ဂုဏကထံ ကထေန္တော ဓမ္မံ ဒေသေတီတိ ဝေဒိတဗ္ဗော။ အာဂမ္မာတိ အာရဗ္ဘ။ မနသိကရောတောတိ အာရမ္မဏဝသေန စိတ္တေ ကရောန္တသ္သ။ အနန္တရာ အာသဝာနံ ခယော ဟောတီတိ အနန္တရာယေန အာသဝာနံ ခယော ဟောတိ။
27. Sattame manobhāvanīyassāti ettha manaṃ bhāveti vaḍḍhetīti manobhāvanīyo. Dassanāyāti dassanatthaṃ. Nissaraṇanti niggamanaṃ vūpasamanaṃ. Dhammaṃ desetīti kāmarāgappajahanatthāya asubhakammaṭṭhānaṃ katheti. Dutiyavārādīsu byāpādappahānāya mettākammaṭṭhānaṃ, thinamiddhappahānāya thinamiddhavinodanakammaṭṭhānaṃ, ālokasaññaṃ vā vīriyārambhavatthuādīnaṃ vā aññataraṃ, uddhaccakukkuccappahānāya samathakammaṭṭhānaṃ, vicikicchāpahānāya tiṇṇaṃ ratanānaṃ guṇakathaṃ kathento dhammaṃ desetīti veditabbo. Āgammāti ārabbha. Manasikarototi ārammaṇavasena citte karontassa. Anantarā āsavānaṃ khayo hotīti anantarāyena āsavānaṃ khayo hoti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. ပဌမသမယသုတ္တံ • 7. Paṭhamasamayasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇. ပဌမသမယသုတ္တဝဏ္ဏနာ • 7. Paṭhamasamayasuttavaṇṇanā
