| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༥. པཋམསམཎབྲཱཧྨཎསུཏྟཾ
5. Paṭhamasamaṇabrāhmaṇasuttaṃ
༡༠༧༥. ‘‘ཡེ ཧི ཀེཙི, བྷིཀྑཝེ, ཨཏཱིཏམདྡྷཱནཾ སམཎཱ ཝཱ བྲཱཧྨཎཱ ཝཱ ཡཐཱབྷཱུཏཾ ཨབྷིསམྦོཛ྄ཛྷིཾསུ, སབྦེ ཏེ ཙཏྟཱརི ཨརིཡསཙྩཱནི ཡཐཱབྷཱུཏཾ ཨབྷིསམྦོཛ྄ཛྷིཾསུ། ཡེ ཧི ཀེཙི, བྷིཀྑཝེ, ཨནཱགཏམདྡྷཱནཾ སམཎཱ ཝཱ བྲཱཧྨཎཱ ཝཱ ཡཐཱབྷཱུཏཾ ཨབྷིསམྦོཛ྄ཛྷིསྶནྟི, སབྦེ ཏེ ཙཏྟཱརི ཨརིཡསཙྩཱནི ཡཐཱབྷཱུཏཾ ཨབྷིསམྦོཛ྄ཛྷིསྶནྟི། ཡེ ཧི ཀེཙི, བྷིཀྑཝེ, ཨེཏརཧི སམཎཱ ཝཱ བྲཱཧྨཎཱ ཝཱ ཡཐཱབྷཱུཏཾ ཨབྷིསམྦོཛ྄ཛྷནྟི, སབྦེ ཏེ ཙཏྟཱརི ཨརིཡསཙྩཱནི ཡཐཱབྷཱུཏཾ ཨབྷིསམྦོཛ྄ཛྷནྟི།
1075. ‘‘Ye hi keci, bhikkhave, atītamaddhānaṃ samaṇā vā brāhmaṇā vā yathābhūtaṃ abhisambojjhiṃsu, sabbe te cattāri ariyasaccāni yathābhūtaṃ abhisambojjhiṃsu. Ye hi keci, bhikkhave, anāgatamaddhānaṃ samaṇā vā brāhmaṇā vā yathābhūtaṃ abhisambojjhissanti, sabbe te cattāri ariyasaccāni yathābhūtaṃ abhisambojjhissanti. Ye hi keci, bhikkhave, etarahi samaṇā vā brāhmaṇā vā yathābhūtaṃ abhisambojjhanti, sabbe te cattāri ariyasaccāni yathābhūtaṃ abhisambojjhanti.
‘‘ཀཏམཱནི ཙཏྟཱརི? དུཀྑཾ ཨརིཡསཙྩཾ…པེ॰… དུཀྑནིརོདྷགཱམིནཱི པཊིཔདཱ ཨརིཡསཙྩཾ། ཡེ ཧི ཀེཙི, བྷིཀྑཝེ, ཨཏཱིཏམདྡྷཱནཾ སམཎཱ ཝཱ བྲཱཧྨཎཱ ཝཱ ཡཐཱབྷཱུཏཾ ཨབྷིསམྦོཛ྄ཛྷིཾསུ…པེ॰… ཨབྷིསམྦོཛ྄ཛྷིསྶནྟི…པེ॰… ཨབྷིསམྦོཛ྄ཛྷནྟི, སབྦེ ཏེ ཨིམཱནི ཙཏྟཱརི ཨརིཡསཙྩཱནི ཡཐཱབྷཱུཏཾ ཨབྷིསམྦོཛ྄ཛྷནྟི།
‘‘Katamāni cattāri? Dukkhaṃ ariyasaccaṃ…pe… dukkhanirodhagāminī paṭipadā ariyasaccaṃ. Ye hi keci, bhikkhave, atītamaddhānaṃ samaṇā vā brāhmaṇā vā yathābhūtaṃ abhisambojjhiṃsu…pe… abhisambojjhissanti…pe… abhisambojjhanti, sabbe te imāni cattāri ariyasaccāni yathābhūtaṃ abhisambojjhanti.
‘‘ཏསྨཱཏིཧ , བྷིཀྑཝེ, ‘ཨིདཾ དུཀྑ’ནྟི ཡོགོ ཀརཎཱིཡོ…པེ॰… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཡོགོ ཀརཎཱིཡོ’’ཏི། པཉྩམཾ།
‘‘Tasmātiha , bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Pañcamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. པཋམཀུལཔུཏྟསུཏྟཱདིཝཎྞནཱ • 3. Paṭhamakulaputtasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. པཋམཀུལཔུཏྟསུཏྟཱདིཝཎྞནཱ • 3. Paṭhamakulaputtasuttādivaṇṇanā
