| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. батамасаман̣аб̣раахман̣асуд̇д̇ам̣
6. Paṭhamasamaṇabrāhmaṇasuttaṃ
828. ‘‘яз хи гзжи, бхигкавз, ад̇ийд̇амад̣̇д̇хаанам̣ саман̣аа ваа б̣раахман̣аа ваа махид̣̇д̇хигаа ахзсум̣ махаанубхааваа, саб̣б̣з д̇з жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа. яз хи гзжи, бхигкавз, анааг̇ад̇амад̣̇д̇хаанам̣ саман̣аа ваа б̣раахман̣аа ваа махид̣̇д̇хигаа бхависсанд̇и махаанубхааваа, саб̣б̣з д̇з жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа. яз хи гзжи, бхигкавз, зд̇арахи саман̣аа ваа б̣раахман̣аа ваа махид̣̇д̇хигаа махаанубхааваа, саб̣б̣з д̇з жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа.
828. ‘‘Ye hi keci, bhikkhave, atītamaddhānaṃ samaṇā vā brāhmaṇā vā mahiddhikā ahesuṃ mahānubhāvā, sabbe te catunnaṃ iddhipādānaṃ bhāvitattā bahulīkatattā. Ye hi keci, bhikkhave, anāgatamaddhānaṃ samaṇā vā brāhmaṇā vā mahiddhikā bhavissanti mahānubhāvā, sabbe te catunnaṃ iddhipādānaṃ bhāvitattā bahulīkatattā. Ye hi keci, bhikkhave, etarahi samaṇā vā brāhmaṇā vā mahiddhikā mahānubhāvā, sabbe te catunnaṃ iddhipādānaṃ bhāvitattā bahulīkatattā.
‘‘гад̇амзсам̣ жад̇уннам̣? ид̇ха , бхигкавз, бхигку чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, вийрияасамаад̇хи…бз… жид̇д̇асамаад̇хи…бз… виймам̣саасамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. яз хи гзжи, бхигкавз, ад̇ийд̇амад̣̇д̇хаанам̣ саман̣аа ваа б̣раахман̣аа ваа махид̣̇д̇хигаа ахзсум̣ махаанубхааваа, саб̣б̣з д̇з имзсам̣язва жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа. яз хи гзжи, бхигкавз, анааг̇ад̇амад̣̇д̇хаанам̣ саман̣аа ваа б̣раахман̣аа ваа махид̣̇д̇хигаа бхависсанд̇и махаанубхааваа, саб̣б̣з д̇з имзсам̣язва жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа. яз хи гзжи, бхигкавз, зд̇арахи саман̣аа ваа б̣раахман̣аа ваа махид̣̇д̇хигаа махаанубхааваа, саб̣б̣з д̇з имзсам̣язва жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа’’д̇и. чадтам̣.
‘‘Katamesaṃ catunnaṃ? Idha , bhikkhave, bhikkhu chandasamādhippadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi…pe… vīmaṃsāsamādhippadhānasaṅkhārasamannāgataṃ iddhipādaṃ bhāveti. Ye hi keci, bhikkhave, atītamaddhānaṃ samaṇā vā brāhmaṇā vā mahiddhikā ahesuṃ mahānubhāvā, sabbe te imesaṃyeva catunnaṃ iddhipādānaṃ bhāvitattā bahulīkatattā. Ye hi keci, bhikkhave, anāgatamaddhānaṃ samaṇā vā brāhmaṇā vā mahiddhikā bhavissanti mahānubhāvā, sabbe te imesaṃyeva catunnaṃ iddhipādānaṃ bhāvitattā bahulīkatattā. Ye hi keci, bhikkhave, etarahi samaṇā vā brāhmaṇā vā mahiddhikā mahānubhāvā, sabbe te imesaṃyeva catunnaṃ iddhipādānaṃ bhāvitattā bahulīkatattā’’ti. Chaṭṭhaṃ.
