| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੯. ਪਠਮਰਾਗਸੁਤ੍ਤਂ
9. Paṭhamarāgasuttaṃ
੬੮. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
68. Vuttañhetaṃ bhagavatā, vuttamarahatāti me sutaṃ –
‘‘ਯਸ੍ਸ ਕਸ੍ਸਚਿ, ਭਿਕ੍ਖવੇ, ਰਾਗੋ ਅਪ੍ਪਹੀਨੋ, ਦੋਸੋ ਅਪ੍ਪਹੀਨੋ, ਮੋਹੋ ਅਪ੍ਪਹੀਨੋ – ਅਯਂ વੁਚ੍ਚਤਿ, ਭਿਕ੍ਖવੇ, ‘ਬਦ੍ਧੋ 1 ਮਾਰਸ੍ਸ ਪਟਿਮੁਕ੍ਕਸ੍ਸ ਮਾਰਪਾਸੋ ਯਥਾਕਾਮਕਰਣੀਯੋ 2 ਪਾਪਿਮਤੋ’। ਯਸ੍ਸ ਕਸ੍ਸਚਿ, ਭਿਕ੍ਖવੇ, ਰਾਗੋ ਪਹੀਨੋ, ਦੋਸੋ ਪਹੀਨੋ, ਮੋਹੋ ਪਹੀਨੋ – ਅਯਂ વੁਚ੍ਚਤਿ, ਭਿਕ੍ਖવੇ, ‘ਅਬਦ੍ਧੋ ਮਾਰਸ੍ਸ ਓਮੁਕ੍ਕਸ੍ਸ ਮਾਰਪਾਸੋ ਨ ਯਥਾ ਕਾਮਕਰਣੀਯੋ 3 ਪਾਪਿਮਤੋ’’’ਤਿ। ਏਤਮਤ੍ਥਂ ਭਗવਾ ਅવੋਚ। ਤਤ੍ਥੇਤਂ ਇਤਿ વੁਚ੍ਚਤਿ –
‘‘Yassa kassaci, bhikkhave, rāgo appahīno, doso appahīno, moho appahīno – ayaṃ vuccati, bhikkhave, ‘baddho 4 mārassa paṭimukkassa mārapāso yathākāmakaraṇīyo 5 pāpimato’. Yassa kassaci, bhikkhave, rāgo pahīno, doso pahīno, moho pahīno – ayaṃ vuccati, bhikkhave, ‘abaddho mārassa omukkassa mārapāso na yathā kāmakaraṇīyo 6 pāpimato’’’ti. Etamatthaṃ bhagavā avoca. Tatthetaṃ iti vuccati –
‘‘ਯਸ੍ਸ ਰਾਗੋ ਚ ਦੋਸੋ ਚ, ਅવਿਜ੍ਜਾ ਚ વਿਰਾਜਿਤਾ।
‘‘Yassa rāgo ca doso ca, avijjā ca virājitā;
ਤਂ ਭਾવਿਤਤ੍ਤਞ੍ਞਤਰਂ, ਬ੍ਰਹ੍ਮਭੂਤਂ ਤਥਾਗਤਂ।
Taṃ bhāvitattaññataraṃ, brahmabhūtaṃ tathāgataṃ;
ਬੁਦ੍ਧਂ વੇਰਭਯਾਤੀਤਂ, ਆਹੁ ਸਬ੍ਬਪ੍ਪਹਾਯਿਨ’’ਨ੍ਤਿ॥
Buddhaṃ verabhayātītaṃ, āhu sabbappahāyina’’nti.
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਨવਮਂ।
Ayampi attho vutto bhagavatā, iti me sutanti. Navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੯. ਪਠਮਰਾਗਸੁਤ੍ਤવਣ੍ਣਨਾ • 9. Paṭhamarāgasuttavaṇṇanā
