| Library / Tipiṭaka / တိပိဋက • Tipiṭaka / ဣတိဝုတ္တကပာဠိ • Itivuttakapāḷi |
၉. ပဌမရာဂသုတ္တံ
9. Paṭhamarāgasuttaṃ
၆၈. ဝုတ္တဉ္ဟေတံ ဘဂဝတာ, ဝုတ္တမရဟတာတိ မေ သုတံ –
68. Vuttañhetaṃ bhagavatā, vuttamarahatāti me sutaṃ –
‘‘ယသ္သ ကသ္သစိ, ဘိက္ခဝေ, ရာဂော အပ္ပဟီနော, ဒောသော အပ္ပဟီနော, မောဟော အပ္ပဟီနော – အယံ ဝုစ္စတိ, ဘိက္ခဝေ, ‘ဗဒ္ဓော 1 မာရသ္သ ပဋိမုက္ကသ္သ မာရပာသော ယထာကာမကရဏီယော 2 ပာပိမတော’။ ယသ္သ ကသ္သစိ, ဘိက္ခဝေ, ရာဂော ပဟီနော, ဒောသော ပဟီနော, မောဟော ပဟီနော – အယံ ဝုစ္စတိ, ဘိက္ခဝေ, ‘အဗဒ္ဓော မာရသ္သ ဩမုက္ကသ္သ မာရပာသော န ယထာ ကာမကရဏီယော 3 ပာပိမတော’’’တိ။ ဧတမတ္ထံ ဘဂဝာ အဝောစ။ တတ္ထေတံ ဣတိ ဝုစ္စတိ –
‘‘Yassa kassaci, bhikkhave, rāgo appahīno, doso appahīno, moho appahīno – ayaṃ vuccati, bhikkhave, ‘baddho 4 mārassa paṭimukkassa mārapāso yathākāmakaraṇīyo 5 pāpimato’. Yassa kassaci, bhikkhave, rāgo pahīno, doso pahīno, moho pahīno – ayaṃ vuccati, bhikkhave, ‘abaddho mārassa omukkassa mārapāso na yathā kāmakaraṇīyo 6 pāpimato’’’ti. Etamatthaṃ bhagavā avoca. Tatthetaṃ iti vuccati –
‘‘ယသ္သ ရာဂော စ ဒောသော စ၊ အဝိဇ္ဇာ စ ဝိရာဇိတာ။
‘‘Yassa rāgo ca doso ca, avijjā ca virājitā;
တံ ဘာဝိတတ္တညတရံ၊ ဗ္ရဟ္မဘူတံ တထာဂတံ။
Taṃ bhāvitattaññataraṃ, brahmabhūtaṃ tathāgataṃ;
ဗုဒ္ဓံ ဝေရဘယာတီတံ၊ အာဟု သဗ္ဗပ္ပဟာယိန’’န္တိ။
Buddhaṃ verabhayātītaṃ, āhu sabbappahāyina’’nti.
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ။ နဝမံ။
Ayampi attho vutto bhagavatā, iti me sutanti. Navamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဣတိဝုတ္တက-အဋ္ဌကထာ • Itivuttaka-aṭṭhakathā / ၉. ပဌမရာဂသုတ္တဝဏ္ဏနာ • 9. Paṭhamarāgasuttavaṇṇanā
