| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
៩. បឋមរាគសុត្តំ
9. Paṭhamarāgasuttaṃ
៦៨. វុត្តញ្ហេតំ ភគវតា, វុត្តមរហតាតិ មេ សុតំ –
68. Vuttañhetaṃ bhagavatā, vuttamarahatāti me sutaṃ –
‘‘យស្ស កស្សចិ, ភិក្ខវេ, រាគោ អប្បហីនោ, ទោសោ អប្បហីនោ, មោហោ អប្បហីនោ – អយំ វុច្ចតិ, ភិក្ខវេ, ‘ពទ្ធោ 1 មារស្ស បដិមុក្កស្ស មារបាសោ យថាកាមករណីយោ 2 បាបិមតោ’។ យស្ស កស្សចិ, ភិក្ខវេ, រាគោ បហីនោ, ទោសោ បហីនោ, មោហោ បហីនោ – អយំ វុច្ចតិ, ភិក្ខវេ, ‘អពទ្ធោ មារស្ស ឱមុក្កស្ស មារបាសោ ន យថា កាមករណីយោ 3 បាបិមតោ’’’តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
‘‘Yassa kassaci, bhikkhave, rāgo appahīno, doso appahīno, moho appahīno – ayaṃ vuccati, bhikkhave, ‘baddho 4 mārassa paṭimukkassa mārapāso yathākāmakaraṇīyo 5 pāpimato’. Yassa kassaci, bhikkhave, rāgo pahīno, doso pahīno, moho pahīno – ayaṃ vuccati, bhikkhave, ‘abaddho mārassa omukkassa mārapāso na yathā kāmakaraṇīyo 6 pāpimato’’’ti. Etamatthaṃ bhagavā avoca. Tatthetaṃ iti vuccati –
‘‘យស្ស រាគោ ច ទោសោ ច, អវិជ្ជា ច វិរាជិតា;
‘‘Yassa rāgo ca doso ca, avijjā ca virājitā;
តំ ភាវិតត្តញ្ញតរំ, ព្រហ្មភូតំ តថាគតំ;
Taṃ bhāvitattaññataraṃ, brahmabhūtaṃ tathāgataṃ;
ពុទ្ធំ វេរភយាតីតំ, អាហុ សព្ពប្បហាយិន’’ន្តិ។
Buddhaṃ verabhayātītaṃ, āhu sabbappahāyina’’nti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ នវមំ។
Ayampi attho vutto bhagavatā, iti me sutanti. Navamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ៩. បឋមរាគសុត្តវណ្ណនា • 9. Paṭhamarāgasuttavaṇṇanā
