| Library / Tipiṭaka / તિપિટક • Tipiṭaka / ઇતિવુત્તકપાળિ • Itivuttakapāḷi |
૯. પઠમરાગસુત્તં
9. Paṭhamarāgasuttaṃ
૬૮. વુત્તઞ્હેતં ભગવતા, વુત્તમરહતાતિ મે સુતં –
68. Vuttañhetaṃ bhagavatā, vuttamarahatāti me sutaṃ –
‘‘યસ્સ કસ્સચિ, ભિક્ખવે, રાગો અપ્પહીનો, દોસો અપ્પહીનો, મોહો અપ્પહીનો – અયં વુચ્ચતિ, ભિક્ખવે, ‘બદ્ધો 1 મારસ્સ પટિમુક્કસ્સ મારપાસો યથાકામકરણીયો 2 પાપિમતો’. યસ્સ કસ્સચિ, ભિક્ખવે, રાગો પહીનો, દોસો પહીનો, મોહો પહીનો – અયં વુચ્ચતિ, ભિક્ખવે, ‘અબદ્ધો મારસ્સ ઓમુક્કસ્સ મારપાસો ન યથા કામકરણીયો 3 પાપિમતો’’’તિ. એતમત્થં ભગવા અવોચ. તત્થેતં ઇતિ વુચ્ચતિ –
‘‘Yassa kassaci, bhikkhave, rāgo appahīno, doso appahīno, moho appahīno – ayaṃ vuccati, bhikkhave, ‘baddho 4 mārassa paṭimukkassa mārapāso yathākāmakaraṇīyo 5 pāpimato’. Yassa kassaci, bhikkhave, rāgo pahīno, doso pahīno, moho pahīno – ayaṃ vuccati, bhikkhave, ‘abaddho mārassa omukkassa mārapāso na yathā kāmakaraṇīyo 6 pāpimato’’’ti. Etamatthaṃ bhagavā avoca. Tatthetaṃ iti vuccati –
‘‘યસ્સ રાગો ચ દોસો ચ, અવિજ્જા ચ વિરાજિતા;
‘‘Yassa rāgo ca doso ca, avijjā ca virājitā;
તં ભાવિતત્તઞ્ઞતરં, બ્રહ્મભૂતં તથાગતં;
Taṃ bhāvitattaññataraṃ, brahmabhūtaṃ tathāgataṃ;
બુદ્ધં વેરભયાતીતં, આહુ સબ્બપ્પહાયિન’’ન્તિ.
Buddhaṃ verabhayātītaṃ, āhu sabbappahāyina’’nti.
અયમ્પિ અત્થો વુત્તો ભગવતા, ઇતિ મે સુતન્તિ. નવમં.
Ayampi attho vutto bhagavatā, iti me sutanti. Navamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ઇતિવુત્તક-અટ્ઠકથા • Itivuttaka-aṭṭhakathā / ૯. પઠમરાગસુત્તવણ્ણના • 9. Paṭhamarāgasuttavaṇṇanā
