| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
९. पठमरागसुत्तं
9. Paṭhamarāgasuttaṃ
६८. वुत्तञ्हेतं भगवता, वुत्तमरहताति मे सुतं –
68. Vuttañhetaṃ bhagavatā, vuttamarahatāti me sutaṃ –
‘‘यस्स कस्सचि, भिक्खवे, रागो अप्पहीनो, दोसो अप्पहीनो, मोहो अप्पहीनो – अयं वुच्चति, भिक्खवे, ‘बद्धो 1 मारस्स पटिमुक्कस्स मारपासो यथाकामकरणीयो 2 पापिमतो’। यस्स कस्सचि, भिक्खवे, रागो पहीनो, दोसो पहीनो, मोहो पहीनो – अयं वुच्चति, भिक्खवे, ‘अबद्धो मारस्स ओमुक्कस्स मारपासो न यथा कामकरणीयो 3 पापिमतो’’’ति। एतमत्थं भगवा अवोच। तत्थेतं इति वुच्चति –
‘‘Yassa kassaci, bhikkhave, rāgo appahīno, doso appahīno, moho appahīno – ayaṃ vuccati, bhikkhave, ‘baddho 4 mārassa paṭimukkassa mārapāso yathākāmakaraṇīyo 5 pāpimato’. Yassa kassaci, bhikkhave, rāgo pahīno, doso pahīno, moho pahīno – ayaṃ vuccati, bhikkhave, ‘abaddho mārassa omukkassa mārapāso na yathā kāmakaraṇīyo 6 pāpimato’’’ti. Etamatthaṃ bhagavā avoca. Tatthetaṃ iti vuccati –
‘‘यस्स रागो च दोसो च, अविज्जा च विराजिता।
‘‘Yassa rāgo ca doso ca, avijjā ca virājitā;
तं भावितत्तञ्ञतरं, ब्रह्मभूतं तथागतं।
Taṃ bhāvitattaññataraṃ, brahmabhūtaṃ tathāgataṃ;
बुद्धं वेरभयातीतं, आहु सब्बप्पहायिन’’न्ति॥
Buddhaṃ verabhayātītaṃ, āhu sabbappahāyina’’nti.
अयम्पि अत्थो वुत्तो भगवता, इति मे सुतन्ति। नवमं।
Ayampi attho vutto bhagavatā, iti me sutanti. Navamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ९. पठमरागसुत्तवण्णना • 9. Paṭhamarāgasuttavaṇṇanā
