| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৯. পঠমরাগসুত্তং
9. Paṭhamarāgasuttaṃ
৬৮. ৰুত্তঞ্হেতং ভগৰতা, ৰুত্তমরহতাতি মে সুতং –
68. Vuttañhetaṃ bhagavatā, vuttamarahatāti me sutaṃ –
‘‘যস্স কস্সচি, ভিক্খৰে, রাগো অপ্পহীনো, দোসো অপ্পহীনো, মোহো অপ্পহীনো – অযং ৰুচ্চতি, ভিক্খৰে, ‘বদ্ধো 1 মারস্স পটিমুক্কস্স মারপাসো যথাকামকরণীযো 2 পাপিমতো’। যস্স কস্সচি, ভিক্খৰে, রাগো পহীনো, দোসো পহীনো, মোহো পহীনো – অযং ৰুচ্চতি, ভিক্খৰে, ‘অবদ্ধো মারস্স ওমুক্কস্স মারপাসো ন যথা কামকরণীযো 3 পাপিমতো’’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Yassa kassaci, bhikkhave, rāgo appahīno, doso appahīno, moho appahīno – ayaṃ vuccati, bhikkhave, ‘baddho 4 mārassa paṭimukkassa mārapāso yathākāmakaraṇīyo 5 pāpimato’. Yassa kassaci, bhikkhave, rāgo pahīno, doso pahīno, moho pahīno – ayaṃ vuccati, bhikkhave, ‘abaddho mārassa omukkassa mārapāso na yathā kāmakaraṇīyo 6 pāpimato’’’ti. Etamatthaṃ bhagavā avoca. Tatthetaṃ iti vuccati –
‘‘যস্স রাগো চ দোসো চ, অৰিজ্জা চ ৰিরাজিতা।
‘‘Yassa rāgo ca doso ca, avijjā ca virājitā;
তং ভাৰিতত্তঞ্ঞতরং, ব্রহ্মভূতং তথাগতং।
Taṃ bhāvitattaññataraṃ, brahmabhūtaṃ tathāgataṃ;
বুদ্ধং ৰেরভযাতীতং, আহু সব্বপ্পহাযিন’’ন্তি॥
Buddhaṃ verabhayātītaṃ, āhu sabbappahāyina’’nti.
অযম্পি অত্থো ৰুত্তো ভগৰতা, ইতি মে সুতন্তি। নৰমং।
Ayampi attho vutto bhagavatā, iti me sutanti. Navamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৯. পঠমরাগসুত্তৰণ্ণনা • 9. Paṭhamarāgasuttavaṇṇanā
