| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൨. ദുതിയപണ്ണാസകം
2. Dutiyapaṇṇāsakaṃ
(൬) ൧. പുഞ്ഞാഭിസന്ദവഗ്ഗോ
(6) 1. Puññābhisandavaggo
൧. പഠമപുഞ്ഞാഭിസന്ദസുത്തവണ്ണനാ
1. Paṭhamapuññābhisandasuttavaṇṇanā
൫൧. ദുതിയസ്സ പഠമേ പുഞ്ഞാഭിസന്ദാതി വാ പുഞ്ഞനദിയോ. അവിച്ഛേദേന നിച്ചം പവത്തിയമാനാനി ഹി പുഞ്ഞാനി അഭിസന്ദനട്ഠേന ‘‘പുഞ്ഞാഭിസന്ദാ’’തി വുത്താ. അപരിമിതന്തി ആള്ഹകഗണനായ അപരിമിതം, യോജനവസേന പനസ്സ പരിമാണം അത്ഥി. തഥാ ഹി ഹേട്ഠാ മഹാപഥവിയാ ഉപരി ആകാസേന പരതോ ചക്കവാളപബ്ബതേന മജ്ഝേ തത്ഥ തത്ഥ ഠിതേഹി ദീപപബ്ബതപരിയന്തേഹി പരിച്ഛിന്നത്താ യോജനതോ സക്കാ പമാണം കാതും. ഭേരവാരമ്മണേഹീതി സവിഞ്ഞാണകാവിഞ്ഞാണകേഹി ഭേരവാരമ്മണേഹി. തഥാ ഹി തം മഹാസരീരമച്ഛകുമ്ഭീലയക്ഖരക്ഖസമഹാനാഗദാനവാദീനം സവിഞ്ഞാണകാനം വളവാമുഖപാതാലാദീനം അവിഞ്ഞാണകാനഞ്ച ഭേരവാരമ്മണാനം വസേന ‘‘ബഹുഭേരവ’’ന്തി വുച്ചതി. സേസമേത്ഥ ഉത്താനമേവ.
51. Dutiyassa paṭhame puññābhisandāti vā puññanadiyo. Avicchedena niccaṃ pavattiyamānāni hi puññāni abhisandanaṭṭhena ‘‘puññābhisandā’’ti vuttā. Aparimitanti āḷhakagaṇanāya aparimitaṃ, yojanavasena panassa parimāṇaṃ atthi. Tathā hi heṭṭhā mahāpathaviyā upari ākāsena parato cakkavāḷapabbatena majjhe tattha tattha ṭhitehi dīpapabbatapariyantehi paricchinnattā yojanato sakkā pamāṇaṃ kātuṃ. Bheravārammaṇehīti saviññāṇakāviññāṇakehi bheravārammaṇehi. Tathā hi taṃ mahāsarīramacchakumbhīlayakkharakkhasamahānāgadānavādīnaṃ saviññāṇakānaṃ vaḷavāmukhapātālādīnaṃ aviññāṇakānañca bheravārammaṇānaṃ vasena ‘‘bahubherava’’nti vuccati. Sesamettha uttānameva.
പഠമപുഞ്ഞാഭിസന്ദസുത്തവണ്ണനാ നിട്ഠിതാ.
Paṭhamapuññābhisandasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧. പഠമപുഞ്ഞാഭിസന്ദസുത്തം • 1. Paṭhamapuññābhisandasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧. പഠമപുഞ്ഞാഭിസന്ദസുത്തവണ്ണനാ • 1. Paṭhamapuññābhisandasuttavaṇṇanā
