| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၂. ဒုတိယပဏ္ဏာသကံ
2. Dutiyapaṇṇāsakaṃ
(၆) ၁. ပုညာဘိသန္ဒဝဂ္ဂော
(6) 1. Puññābhisandavaggo
၁. ပဌမပုညာဘိသန္ဒသုတ္တဝဏ္ဏနာ
1. Paṭhamapuññābhisandasuttavaṇṇanā
၅၁. ဒုတိယသ္သ ပဌမေ ပုညာဘိသန္ဒာတိ ဝာ ပုညနဒိယော။ အဝိစ္ဆေဒေန နိစ္စံ ပဝတ္တိယမာနာနိ ဟိ ပုညာနိ အဘိသန္ဒနဋ္ဌေန ‘‘ပုညာဘိသန္ဒာ’’တိ ဝုတ္တာ။ အပရိမိတန္တိ အာဠ္ဟကဂဏနာယ အပရိမိတံ, ယောဇနဝသေန ပနသ္သ ပရိမာဏံ အတ္ထိ။ တထာ ဟိ ဟေဋ္ဌာ မဟာပထဝိယာ ဥပရိ အာကာသေန ပရတော စက္ကဝာဠပဗ္ဗတေန မဇ္ဈေ တတ္ထ တတ္ထ ဌိတေဟိ ဒီပပဗ္ဗတပရိယန္တေဟိ ပရိစ္ဆိန္နတ္တာ ယောဇနတော သက္ကာ ပမာဏံ ကာတုံ။ ဘေရဝာရမ္မဏေဟီတိ သဝိညာဏကာဝိညာဏကေဟိ ဘေရဝာရမ္မဏေဟိ။ တထာ ဟိ တံ မဟာသရီရမစ္ဆကုမ္ဘီလယက္ခရက္ခသမဟာနာဂဒာနဝာဒီနံ သဝိညာဏကာနံ ဝဠဝာမုခပာတာလာဒီနံ အဝိညာဏကာနဉ္စ ဘေရဝာရမ္မဏာနံ ဝသေန ‘‘ဗဟုဘေရဝ’’န္တိ ဝုစ္စတိ။ သေသမေတ္ထ ဥတ္တာနမေဝ။
51. Dutiyassa paṭhame puññābhisandāti vā puññanadiyo. Avicchedena niccaṃ pavattiyamānāni hi puññāni abhisandanaṭṭhena ‘‘puññābhisandā’’ti vuttā. Aparimitanti āḷhakagaṇanāya aparimitaṃ, yojanavasena panassa parimāṇaṃ atthi. Tathā hi heṭṭhā mahāpathaviyā upari ākāsena parato cakkavāḷapabbatena majjhe tattha tattha ṭhitehi dīpapabbatapariyantehi paricchinnattā yojanato sakkā pamāṇaṃ kātuṃ. Bheravārammaṇehīti saviññāṇakāviññāṇakehi bheravārammaṇehi. Tathā hi taṃ mahāsarīramacchakumbhīlayakkharakkhasamahānāgadānavādīnaṃ saviññāṇakānaṃ vaḷavāmukhapātālādīnaṃ aviññāṇakānañca bheravārammaṇānaṃ vasena ‘‘bahubherava’’nti vuccati. Sesamettha uttānameva.
ပဌမပုညာဘိသန္ဒသုတ္တဝဏ္ဏနာ နိဋ္ဌိတာ။
Paṭhamapuññābhisandasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. ပဌမပုညာဘိသန္ဒသုတ္တံ • 1. Paṭhamapuññābhisandasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. ပဌမပုညာဘိသန္ဒသုတ္တဝဏ္ဏနာ • 1. Paṭhamapuññābhisandasuttavaṇṇanā
