| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
២. ទុតិយបណ្ណាសកំ
2. Dutiyapaṇṇāsakaṃ
(៦) ១. បុញ្ញាភិសន្ទវគ្គោ
(6) 1. Puññābhisandavaggo
១. បឋមបុញ្ញាភិសន្ទសុត្តវណ្ណនា
1. Paṭhamapuññābhisandasuttavaṇṇanā
៥១. ទុតិយស្ស បឋមេ បុញ្ញាភិសន្ទាតិ វា បុញ្ញនទិយោ។ អវិច្ឆេទេន និច្ចំ បវត្តិយមានានិ ហិ បុញ្ញានិ អភិសន្ទនដ្ឋេន ‘‘បុញ្ញាភិសន្ទា’’តិ វុត្តា។ អបរិមិតន្តិ អាឡ្ហកគណនាយ អបរិមិតំ, យោជនវសេន បនស្ស បរិមាណំ អត្ថិ។ តថា ហិ ហេដ្ឋា មហាបថវិយា ឧបរិ អាកាសេន បរតោ ចក្កវាឡបព្ពតេន មជ្ឈេ តត្ថ តត្ថ ឋិតេហិ ទីបបព្ពតបរិយន្តេហិ បរិច្ឆិន្នត្តា យោជនតោ សក្កា បមាណំ កាតុំ។ ភេរវារម្មណេហីតិ សវិញ្ញាណកាវិញ្ញាណកេហិ ភេរវារម្មណេហិ។ តថា ហិ តំ មហាសរីរមច្ឆកុម្ភីលយក្ខរក្ខសមហានាគទានវាទីនំ សវិញ្ញាណកានំ វឡវាមុខបាតាលាទីនំ អវិញ្ញាណកានញ្ច ភេរវារម្មណានំ វសេន ‘‘ពហុភេរវ’’ន្តិ វុច្ចតិ។ សេសមេត្ថ ឧត្តានមេវ។
51. Dutiyassa paṭhame puññābhisandāti vā puññanadiyo. Avicchedena niccaṃ pavattiyamānāni hi puññāni abhisandanaṭṭhena ‘‘puññābhisandā’’ti vuttā. Aparimitanti āḷhakagaṇanāya aparimitaṃ, yojanavasena panassa parimāṇaṃ atthi. Tathā hi heṭṭhā mahāpathaviyā upari ākāsena parato cakkavāḷapabbatena majjhe tattha tattha ṭhitehi dīpapabbatapariyantehi paricchinnattā yojanato sakkā pamāṇaṃ kātuṃ. Bheravārammaṇehīti saviññāṇakāviññāṇakehi bheravārammaṇehi. Tathā hi taṃ mahāsarīramacchakumbhīlayakkharakkhasamahānāgadānavādīnaṃ saviññāṇakānaṃ vaḷavāmukhapātālādīnaṃ aviññāṇakānañca bheravārammaṇānaṃ vasena ‘‘bahubherava’’nti vuccati. Sesamettha uttānameva.
បឋមបុញ្ញាភិសន្ទសុត្តវណ្ណនា និដ្ឋិតា។
Paṭhamapuññābhisandasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១. បឋមបុញ្ញាភិសន្ទសុត្តំ • 1. Paṭhamapuññābhisandasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១. បឋមបុញ្ញាភិសន្ទសុត្តវណ្ណនា • 1. Paṭhamapuññābhisandasuttavaṇṇanā
