| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
अङ्गुत्तरनिकाये
Aṅguttaranikāye
सत्तकनिपात-अट्ठकथा
Sattakanipāta-aṭṭhakathā
पण्णासकं
Paṇṇāsakaṃ
१. धनवग्गो
1. Dhanavaggo
१-५. पठमपियसुत्तादिवण्णना
1-5. Paṭhamapiyasuttādivaṇṇanā
१-५. सत्तकनिपातस्स पठमे अनवञ्ञत्तिकामोति अभिञ्ञातभावकामो। ततिये योनिसो विचिने धम्मन्ति उपायेन चतुसच्चधम्मं विचिनाति। पञ्ञायत्थं विपस्सतीति सहविपस्सनाय मग्गपञ्ञाय सच्चधम्मं विपस्सति। पज्जोतस्सेवाति दीपस्सेव। विमोक्खो होति चेतसोति तस्स इमेहि बलेहि समन्नागतस्स खीणासवस्स दीपनिब्बानं विय चरिमकचित्तस्स वत्थारम्मणेहि विमोक्खो होति, गतट्ठानं न पञ्ञायति। चतुत्थे सद्धो होतीतिआदीनि पञ्चकनिपाते वण्णितानेव। पञ्चमे धनानीति अदालिद्दियकरणट्ठेन धनानि।
1-5. Sattakanipātassa paṭhame anavaññattikāmoti abhiññātabhāvakāmo. Tatiye yoniso vicine dhammanti upāyena catusaccadhammaṃ vicināti. Paññāyatthaṃ vipassatīti sahavipassanāya maggapaññāya saccadhammaṃ vipassati. Pajjotassevāti dīpasseva. Vimokkho hoti cetasoti tassa imehi balehi samannāgatassa khīṇāsavassa dīpanibbānaṃ viya carimakacittassa vatthārammaṇehi vimokkho hoti, gataṭṭhānaṃ na paññāyati. Catutthe saddho hotītiādīni pañcakanipāte vaṇṇitāneva. Pañcame dhanānīti adāliddiyakaraṇaṭṭhena dhanāni.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१. पठमपियसुत्तं • 1. Paṭhamapiyasuttaṃ
२. दुतियपियसुत्तं • 2. Dutiyapiyasuttaṃ
३. संखित्तबलसुत्तं • 3. Saṃkhittabalasuttaṃ
४. वित्थतबलसुत्तं • 4. Vitthatabalasuttaṃ
५. संखित्तधनसुत्तं • 5. Saṃkhittadhanasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १. धनवग्गवण्णना • 1. Dhanavaggavaṇṇanā
