| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൭. പഠമപടിസമ്ഭിദാസുത്തവണ്ണനാ
7. Paṭhamapaṭisambhidāsuttavaṇṇanā
൩൮. സത്തമേ ഇദം മേ ചേതസോ ലീനത്തന്തി ഉപ്പന്നേ ചേതസോ ലീനത്തേ ‘‘ഇദം മേ ചേതസോ ലീനത്ത’’ന്തി യഥാസഭാവതോ ജാനാതി. അജ്ഝത്തം സംഖിത്തം നാമ ഥിനമിദ്ധാനുഗതം. ബഹിദ്ധാ വിക്ഖിത്തം നാമ പഞ്ചസു കാമഗുണേസു വിക്ഖിത്തം. വേദനാതിആദീനി പപഞ്ചമൂലവസേന ഗഹിതാനി. വേദനാ ഹി തണ്ഹായ മൂലം സുഖവസേന തണ്ഹുപ്പത്തിതോ, സഞ്ഞാ ദിട്ഠിയാ മൂലം അവിഭൂതാരമ്മണേ ദിട്ഠിഉപ്പത്തിതോ, വിതക്കോ മാനസ്സ മൂലം വിതക്കവസേന അസ്മീതി മാനുപ്പത്തിതോ. സപ്പായാസപ്പായേസൂതി ഉപകാരാനുപകാരേസു. നിമിത്തന്തി കാരണം. സേസം സബ്ബത്ഥ ഉത്താനത്ഥമേവാതി.
38. Sattame idaṃ me cetaso līnattanti uppanne cetaso līnatte ‘‘idaṃ me cetaso līnatta’’nti yathāsabhāvato jānāti. Ajjhattaṃ saṃkhittaṃ nāma thinamiddhānugataṃ. Bahiddhā vikkhittaṃ nāma pañcasu kāmaguṇesu vikkhittaṃ. Vedanātiādīni papañcamūlavasena gahitāni. Vedanā hi taṇhāya mūlaṃ sukhavasena taṇhuppattito, saññā diṭṭhiyā mūlaṃ avibhūtārammaṇe diṭṭhiuppattito, vitakko mānassa mūlaṃ vitakkavasena asmīti mānuppattito. Sappāyāsappāyesūti upakārānupakāresu. Nimittanti kāraṇaṃ. Sesaṃ sabbattha uttānatthamevāti.
ദേവതാവഗ്ഗോ ചതുത്ഥോ.
Devatāvaggo catuttho.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൭. പഠമപടിസമ്ഭിദാസുത്തം • 7. Paṭhamapaṭisambhidāsuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൬-൧൧. ദുതിയമിത്തസുത്താദിവണ്ണനാ • 6-11. Dutiyamittasuttādivaṇṇanā
