| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៧. បឋមបដិសម្ភិទាសុត្តវណ្ណនា
7. Paṭhamapaṭisambhidāsuttavaṇṇanā
៣៨. សត្តមេ ឥទំ មេ ចេតសោ លីនត្តន្តិ ឧប្បន្នេ ចេតសោ លីនត្តេ ‘‘ឥទំ មេ ចេតសោ លីនត្ត’’ន្តិ យថាសភាវតោ ជានាតិ។ អជ្ឈត្តំ សំខិត្តំ នាម ថិនមិទ្ធានុគតំ។ ពហិទ្ធា វិក្ខិត្តំ នាម បញ្ចសុ កាមគុណេសុ វិក្ខិត្តំ។ វេទនាតិអាទីនិ បបញ្ចមូលវសេន គហិតានិ។ វេទនា ហិ តណ្ហាយ មូលំ សុខវសេន តណ្ហុប្បត្តិតោ, សញ្ញា ទិដ្ឋិយា មូលំ អវិភូតារម្មណេ ទិដ្ឋិឧប្បត្តិតោ, វិតក្កោ មានស្ស មូលំ វិតក្កវសេន អស្មីតិ មានុប្បត្តិតោ។ សប្បាយាសប្បាយេសូតិ ឧបការានុបការេសុ។ និមិត្តន្តិ ការណំ។ សេសំ សព្ពត្ថ ឧត្តានត្ថមេវាតិ។
38. Sattame idaṃ me cetaso līnattanti uppanne cetaso līnatte ‘‘idaṃ me cetaso līnatta’’nti yathāsabhāvato jānāti. Ajjhattaṃ saṃkhittaṃ nāma thinamiddhānugataṃ. Bahiddhā vikkhittaṃ nāma pañcasu kāmaguṇesu vikkhittaṃ. Vedanātiādīni papañcamūlavasena gahitāni. Vedanā hi taṇhāya mūlaṃ sukhavasena taṇhuppattito, saññā diṭṭhiyā mūlaṃ avibhūtārammaṇe diṭṭhiuppattito, vitakko mānassa mūlaṃ vitakkavasena asmīti mānuppattito. Sappāyāsappāyesūti upakārānupakāresu. Nimittanti kāraṇaṃ. Sesaṃ sabbattha uttānatthamevāti.
ទេវតាវគ្គោ ចតុត្ថោ។
Devatāvaggo catuttho.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៧. បឋមបដិសម្ភិទាសុត្តំ • 7. Paṭhamapaṭisambhidāsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៦-១១. ទុតិយមិត្តសុត្តាទិវណ្ណនា • 6-11. Dutiyamittasuttādivaṇṇanā
