| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
६. पाटिदेसनीयकण्डं
6. Pāṭidesanīyakaṇḍaṃ
१. पठमपाटिदेसनीयसिक्खापदवण्णना
1. Paṭhamapāṭidesanīyasikkhāpadavaṇṇanā
५५३. पाटिदेसनीयेसु पठमे पटिदेसेतब्बाकारदस्सनन्ति एवं आपत्तिं नवकस्स सन्तिके देसेतब्बाकारदस्सनं। इमिना लक्खणेन सम्बहुलानं आपत्तीनम्पि वुड्ढस्स सन्तिके च देसेतब्बाकारो सक्का विञ्ञातुन्ति। तत्रायं नयो – ‘‘गारय्हे, आवुसो, धम्मे आपज्जिं असप्पाये पाटिदेसनीये’’ति एवं सम्बहुलासु। वुड्ढस्स पन सन्तिके ‘‘गारय्हं, भन्ते, धम्मं…पे॰… गारय्हे, भन्ते, धम्मे’’ति योजना वेदितब्बा। तत्थ असप्पायन्ति सग्गमोक्खन्तरायकरन्ति अत्थो। अञ्ञातिकाय भिक्खुनिया अन्तरघरे ठिताय हत्थतो सहत्था यावकालिकग्गहणं, अज्झोहरणन्ति द्वे अङ्गानि।
553. Pāṭidesanīyesu paṭhame paṭidesetabbākāradassananti evaṃ āpattiṃ navakassa santike desetabbākāradassanaṃ. Iminā lakkhaṇena sambahulānaṃ āpattīnampi vuḍḍhassa santike ca desetabbākāro sakkā viññātunti. Tatrāyaṃ nayo – ‘‘gārayhe, āvuso, dhamme āpajjiṃ asappāye pāṭidesanīye’’ti evaṃ sambahulāsu. Vuḍḍhassa pana santike ‘‘gārayhaṃ, bhante, dhammaṃ…pe… gārayhe, bhante, dhamme’’ti yojanā veditabbā. Tattha asappāyanti saggamokkhantarāyakaranti attho. Aññātikāya bhikkhuniyā antaraghare ṭhitāya hatthato sahatthā yāvakālikaggahaṇaṃ, ajjhoharaṇanti dve aṅgāni.
पठमपाटिदेसनीयसिक्खापदवण्णना निट्ठिता।
Paṭhamapāṭidesanīyasikkhāpadavaṇṇanā niṭṭhitā.
५५८. दुतिये परिपुण्णूपसम्पन्नाय अननुञ्ञाताकारेन वोसासना, अनिवारेत्वा भोजनज्झोहारोति द्वे अङ्गानि।
558. Dutiye paripuṇṇūpasampannāya ananuññātākārena vosāsanā, anivāretvā bhojanajjhohāroti dve aṅgāni.
५६३. ततिये सेक्खसम्मतता, घरूपचारे अनिमन्तितता, गिलानस्स अनिच्चभत्तादिं गहेत्वा भुञ्जनन्ति तीणि अङ्गानि।
563. Tatiye sekkhasammatatā, gharūpacāre animantitatā, gilānassa aniccabhattādiṃ gahetvā bhuñjananti tīṇi aṅgāni.
५७०. चतुत्थे सासङ्कारञ्ञसेनासनता, अननुञ्ञातं यावकालिकं अप्पटिसंविदितं अज्झारामे पटिग्गहेत्वा अगिलानस्स अज्झोहरणन्ति द्वे अङ्गानि। सेसं उत्तानमेव।
570. Catutthe sāsaṅkāraññasenāsanatā, ananuññātaṃ yāvakālikaṃ appaṭisaṃviditaṃ ajjhārāme paṭiggahetvā agilānassa ajjhoharaṇanti dve aṅgāni. Sesaṃ uttānameva.
पाटिदेसनीयवण्णनानयो निट्ठितो।
Pāṭidesanīyavaṇṇanānayo niṭṭhito.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga
१. पठमपाटिदेसनीयसिक्खापदं • 1. Paṭhamapāṭidesanīyasikkhāpadaṃ
२. दुतियपाटिदेसनीयसिक्खापदं • 2. Dutiyapāṭidesanīyasikkhāpadaṃ
३. ततियपाटिदेसनीयसिक्खापदं • 3. Tatiyapāṭidesanīyasikkhāpadaṃ
४. चतुत्थपाटिदेसनीयसिक्खापदं • 4. Catutthapāṭidesanīyasikkhāpadaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā
१. पठमपाटिदेसनीयसिक्खापदवण्णना • 1. Paṭhamapāṭidesanīyasikkhāpadavaṇṇanā
२. दुतियपाटिदेसनीयसिक्खापदवण्णना • 2. Dutiyapāṭidesanīyasikkhāpadavaṇṇanā
४. चतुत्थपाटिदेसनीयसिक्खापदवण्णना • 4. Catutthapāṭidesanīyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / पाटिदेसनीयसिक्खापदवण्णना • Pāṭidesanīyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
१. पठमपाटिदेसनीयसिक्खापदवण्णना • 1. Paṭhamapāṭidesanīyasikkhāpadavaṇṇanā
२. दुतियपाटिदेसनीयसिक्खापदवण्णना • 2. Dutiyapāṭidesanīyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi
१. पठमपाटिदेसनीयसिक्खापद-अत्थयोजना • 1. Paṭhamapāṭidesanīyasikkhāpada-atthayojanā
२. दुतियपाटिदेसनीयसिक्खापदं • 2. Dutiyapāṭidesanīyasikkhāpadaṃ
४. चतुत्थपाटिदेसनीयसिक्खापदं • 4. Catutthapāṭidesanīyasikkhāpadaṃ
