| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൭. പഠമപാപധമ്മസുത്തം
7. Paṭhamapāpadhammasuttaṃ
൨൦൭. ‘‘പാപഞ്ച വോ, ഭിക്ഖവേ, ദേസേസ്സാമി, പാപേന പാപതരഞ്ച; കല്യാണഞ്ച, കല്യാണേന കല്യാണതരഞ്ച. തം സുണാഥ…പേ॰….
207. ‘‘Pāpañca vo, bhikkhave, desessāmi, pāpena pāpatarañca; kalyāṇañca, kalyāṇena kalyāṇatarañca. Taṃ suṇātha…pe….
‘‘കതമോ ച, ഭിക്ഖവേ, പാപോ? ഇധ, ഭിക്ഖവേ, ഏകച്ചോ പാണാതിപാതീ ഹോതി…പേ॰… മിച്ഛാദിട്ഠികോ ഹോതി. അയം വുച്ചതി, ഭിക്ഖവേ, പാപോ.
‘‘Katamo ca, bhikkhave, pāpo? Idha, bhikkhave, ekacco pāṇātipātī hoti…pe… micchādiṭṭhiko hoti. Ayaṃ vuccati, bhikkhave, pāpo.
‘‘കതമോ ച, ഭിക്ഖവേ, പാപേന പാപതരോ? ഇധ, ഭിക്ഖവേ, ഏകച്ചോ അത്തനാ ച പാണാതിപാതീ ഹോതി, പരഞ്ച പാണാതിപാതേ സമാദപേതി…പേ॰… അത്തനാ ച മിച്ഛാദിട്ഠികോ ഹോതി, പരഞ്ച മിച്ഛാദിട്ഠിയാ സമാദപേതി. അയം വുച്ചതി, ഭിക്ഖവേ, പാപേന പാപതരോ.
‘‘Katamo ca, bhikkhave, pāpena pāpataro? Idha, bhikkhave, ekacco attanā ca pāṇātipātī hoti, parañca pāṇātipāte samādapeti…pe… attanā ca micchādiṭṭhiko hoti, parañca micchādiṭṭhiyā samādapeti. Ayaṃ vuccati, bhikkhave, pāpena pāpataro.
‘‘കതമോ ച, ഭിക്ഖവേ, കല്യാണോ? ഇധ, ഭിക്ഖവേ, ഏകച്ചോ പാണാതിപാതാ പടിവിരതോ ഹോതി…പേ॰… സമ്മാദിട്ഠികോ ഹോതി. അയം വുച്ചതി, ഭിക്ഖവേ, കല്യാണോ.
‘‘Katamo ca, bhikkhave, kalyāṇo? Idha, bhikkhave, ekacco pāṇātipātā paṭivirato hoti…pe… sammādiṭṭhiko hoti. Ayaṃ vuccati, bhikkhave, kalyāṇo.
‘‘കതമോ ച, ഭിക്ഖവേ, കല്യാണേന കല്യാണതരോ? ഇധ, ഭിക്ഖവേ, ഏകച്ചോ അത്തനാ ച പാണാതിപാതാ പടിവിരതോ ഹോതി, പരഞ്ച പാണാതിപാതാ വേരമണിയാ സമാദപേതി…പേ॰… അത്തനാ ച സമ്മാദിട്ഠികോ ഹോതി, പരഞ്ച സമ്മാദിട്ഠിയാ സമാദപേതി. അയം വുച്ചതി, ഭിക്ഖവേ, കല്യാണേന കല്യാണതരോ’’തി. സത്തമം.
‘‘Katamo ca, bhikkhave, kalyāṇena kalyāṇataro? Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti…pe… attanā ca sammādiṭṭhiko hoti, parañca sammādiṭṭhiyā samādapeti. Ayaṃ vuccati, bhikkhave, kalyāṇena kalyāṇataro’’ti. Sattamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൭-൧൦. പാപധമ്മസുത്തചതുക്കവണ്ണനാ • 7-10. Pāpadhammasuttacatukkavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൦. സിക്ഖാപദസുത്താദിവണ്ണനാ • 1-10. Sikkhāpadasuttādivaṇṇanā
