| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౭. పఠమపాపధమ్మసుత్తం
7. Paṭhamapāpadhammasuttaṃ
౨౦౭. ‘‘పాపఞ్చ వో, భిక్ఖవే, దేసేస్సామి, పాపేన పాపతరఞ్చ; కల్యాణఞ్చ, కల్యాణేన కల్యాణతరఞ్చ. తం సుణాథ…పే॰….
207. ‘‘Pāpañca vo, bhikkhave, desessāmi, pāpena pāpatarañca; kalyāṇañca, kalyāṇena kalyāṇatarañca. Taṃ suṇātha…pe….
‘‘కతమో చ, భిక్ఖవే, పాపో? ఇధ, భిక్ఖవే, ఏకచ్చో పాణాతిపాతీ హోతి…పే॰… మిచ్ఛాదిట్ఠికో హోతి. అయం వుచ్చతి, భిక్ఖవే, పాపో.
‘‘Katamo ca, bhikkhave, pāpo? Idha, bhikkhave, ekacco pāṇātipātī hoti…pe… micchādiṭṭhiko hoti. Ayaṃ vuccati, bhikkhave, pāpo.
‘‘కతమో చ, భిక్ఖవే, పాపేన పాపతరో? ఇధ, భిక్ఖవే, ఏకచ్చో అత్తనా చ పాణాతిపాతీ హోతి, పరఞ్చ పాణాతిపాతే సమాదపేతి…పే॰… అత్తనా చ మిచ్ఛాదిట్ఠికో హోతి, పరఞ్చ మిచ్ఛాదిట్ఠియా సమాదపేతి. అయం వుచ్చతి, భిక్ఖవే, పాపేన పాపతరో.
‘‘Katamo ca, bhikkhave, pāpena pāpataro? Idha, bhikkhave, ekacco attanā ca pāṇātipātī hoti, parañca pāṇātipāte samādapeti…pe… attanā ca micchādiṭṭhiko hoti, parañca micchādiṭṭhiyā samādapeti. Ayaṃ vuccati, bhikkhave, pāpena pāpataro.
‘‘కతమో చ, భిక్ఖవే, కల్యాణో? ఇధ, భిక్ఖవే, ఏకచ్చో పాణాతిపాతా పటివిరతో హోతి…పే॰… సమ్మాదిట్ఠికో హోతి. అయం వుచ్చతి, భిక్ఖవే, కల్యాణో.
‘‘Katamo ca, bhikkhave, kalyāṇo? Idha, bhikkhave, ekacco pāṇātipātā paṭivirato hoti…pe… sammādiṭṭhiko hoti. Ayaṃ vuccati, bhikkhave, kalyāṇo.
‘‘కతమో చ, భిక్ఖవే, కల్యాణేన కల్యాణతరో? ఇధ, భిక్ఖవే, ఏకచ్చో అత్తనా చ పాణాతిపాతా పటివిరతో హోతి, పరఞ్చ పాణాతిపాతా వేరమణియా సమాదపేతి…పే॰… అత్తనా చ సమ్మాదిట్ఠికో హోతి, పరఞ్చ సమ్మాదిట్ఠియా సమాదపేతి. అయం వుచ్చతి, భిక్ఖవే, కల్యాణేన కల్యాణతరో’’తి. సత్తమం.
‘‘Katamo ca, bhikkhave, kalyāṇena kalyāṇataro? Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti…pe… attanā ca sammādiṭṭhiko hoti, parañca sammādiṭṭhiyā samādapeti. Ayaṃ vuccati, bhikkhave, kalyāṇena kalyāṇataro’’ti. Sattamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౭-౧౦. పాపధమ్మసుత్తచతుక్కవణ్ణనా • 7-10. Pāpadhammasuttacatukkavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౦. సిక్ఖాపదసుత్తాదివణ్ణనా • 1-10. Sikkhāpadasuttādivaṇṇanā
