| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
༣. ནིསྶགྒིཡཀཎྜཾ (བྷིཀྑུནཱིཝིབྷངྒཝཎྞནཱ)
3. Nissaggiyakaṇḍaṃ (bhikkhunīvibhaṅgavaṇṇanā)
པཋམནིསྶགྒིཡཔཱཙིཏྟིཡསིཀྑཱཔདཝཎྞནཱ
Paṭhamanissaggiyapācittiyasikkhāpadavaṇṇanā
ཏིཾས ནིསྶགྒིཡཱ དྷམྨཱ, བྷིཀྑུནཱིནཾ པཀཱསིཏཱ།
Tiṃsa nissaggiyā dhammā, bhikkhunīnaṃ pakāsitā;
ཡེ ཏེསཾ དཱནི བྷཝཏི, ཨཡཾ སཾཝཎྞནཱཀྐམོ༎
Ye tesaṃ dāni bhavati, ayaṃ saṃvaṇṇanākkamo.
༧༣༣. ཨཱམཏྟིཀཱཔཎནྟི ཨམཏྟཱནི ཝུཙྩནྟི བྷཱཛནཱནི; ཏཱནི ཡེ ཝིཀྐིཎནྟི, ཏེ ཝུཙྩནྟི ཨཱམཏྟིཀཱ; ཏེསཾ ཨཱཔཎོ ཨཱམཏྟིཀཱཔཎོ; ཏཾ ཝཱ པསཱརེསྶནྟཱིཏི ཨཏྠོ།
733.Āmattikāpaṇanti amattāni vuccanti bhājanāni; tāni ye vikkiṇanti, te vuccanti āmattikā; tesaṃ āpaṇo āmattikāpaṇo; taṃ vā pasāressantīti attho.
༧༣༤. པཏྟསནྣིཙཡཾ ཀརེཡྻཱཏི པཏྟསནྣིདྷིཾ ཀརེཡྻ; ཨེཀཱཧཾ ཨནདྷིཊྛཧིཏྭཱ ཝཱ ཨཝིཀཔྤེཏྭཱ ཝཱ པཏྟཾ ཋཔེཡྻཱཏི ཨཏྠོ། སེསཾ མཧཱཝིབྷངྒེ ཝུཏྟནཡེནེཝ ཝེདིཏབྦཾ། ཨཡམེཝ ཧི ཝིསེསོ – ཏཏྠ དསཱཧཾ པརིཧཱརོ, ཨིདྷ ཨེཀཱཧམྤི ནཏྠི། སེསཾ ཏཱདིསམེཝ།
734.Pattasannicayaṃ kareyyāti pattasannidhiṃ kareyya; ekāhaṃ anadhiṭṭhahitvā vā avikappetvā vā pattaṃ ṭhapeyyāti attho. Sesaṃ mahāvibhaṅge vuttanayeneva veditabbaṃ. Ayameva hi viseso – tattha dasāhaṃ parihāro, idha ekāhampi natthi. Sesaṃ tādisameva.
ཨིདམྤི ཀཐིནསམུཊྛཱནཾ – ཀཱཡཝཱཙཏོ ཀཱཡཝཱཙཱཙིཏྟཏོ ཙ སམུཊྛཱཏི, ཨཀིརིཡཾ, ནོསཉྙཱཝིམོཀྑཾ, ཨཙིཏྟཀཾ, པཎྞཏྟིཝཛྫཾ, ཀཱཡཀམྨཾ, ཝཙཱིཀམྨཾ, ཏིཙིཏྟཾ, ཏིཝེདནནྟི།
Idampi kathinasamuṭṭhānaṃ – kāyavācato kāyavācācittato ca samuṭṭhāti, akiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
པཋམསིཀྑཱཔདཾ།
Paṭhamasikkhāpadaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༡. པཋམསིཀྑཱཔདཾ • 1. Paṭhamasikkhāpadaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༣. ནིསྶགྒིཡཀཎྜཾ (བྷིཀྑུནཱིཝིབྷངྒཝཎྞནཱ) • 3. Nissaggiyakaṇḍaṃ (bhikkhunīvibhaṅgavaṇṇanā)
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༡. པཋམནིསྶགྒིཡཔཱཙིཏྟིཡསིཀྑཱཔདཝཎྞནཱ • 1. Paṭhamanissaggiyapācittiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༢. དུཏིཡནིསྶགྒིཡཱདིཔཱཙིཏྟིཡསིཀྑཱཔདཝཎྞནཱ • 2. Dutiyanissaggiyādipācittiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡. པཋམནིསྶགྒིཡཔཱཙིཏྟིཡསིཀྑཱཔད-ཨཏྠཡོཛནཱ • 1. Paṭhamanissaggiyapācittiyasikkhāpada-atthayojanā
