| Library / Tipiṭaka / તિપિટક • Tipiṭaka / ભિક્ખુનીવિભઙ્ગ-અટ્ઠકથા • Bhikkhunīvibhaṅga-aṭṭhakathā |
૩. નિસ્સગ્ગિયકણ્ડં (ભિક્ખુનીવિભઙ્ગવણ્ણના)
3. Nissaggiyakaṇḍaṃ (bhikkhunīvibhaṅgavaṇṇanā)
પઠમનિસ્સગ્ગિયપાચિત્તિયસિક્ખાપદવણ્ણના
Paṭhamanissaggiyapācittiyasikkhāpadavaṇṇanā
તિંસ નિસ્સગ્ગિયા ધમ્મા, ભિક્ખુનીનં પકાસિતા;
Tiṃsa nissaggiyā dhammā, bhikkhunīnaṃ pakāsitā;
યે તેસં દાનિ ભવતિ, અયં સંવણ્ણનાક્કમો.
Ye tesaṃ dāni bhavati, ayaṃ saṃvaṇṇanākkamo.
૭૩૩. આમત્તિકાપણન્તિ અમત્તાનિ વુચ્ચન્તિ ભાજનાનિ; તાનિ યે વિક્કિણન્તિ, તે વુચ્ચન્તિ આમત્તિકા; તેસં આપણો આમત્તિકાપણો; તં વા પસારેસ્સન્તીતિ અત્થો.
733.Āmattikāpaṇanti amattāni vuccanti bhājanāni; tāni ye vikkiṇanti, te vuccanti āmattikā; tesaṃ āpaṇo āmattikāpaṇo; taṃ vā pasāressantīti attho.
૭૩૪. પત્તસન્નિચયં કરેય્યાતિ પત્તસન્નિધિં કરેય્ય; એકાહં અનધિટ્ઠહિત્વા વા અવિકપ્પેત્વા વા પત્તં ઠપેય્યાતિ અત્થો. સેસં મહાવિભઙ્ગે વુત્તનયેનેવ વેદિતબ્બં. અયમેવ હિ વિસેસો – તત્થ દસાહં પરિહારો, ઇધ એકાહમ્પિ નત્થિ. સેસં તાદિસમેવ.
734.Pattasannicayaṃ kareyyāti pattasannidhiṃ kareyya; ekāhaṃ anadhiṭṭhahitvā vā avikappetvā vā pattaṃ ṭhapeyyāti attho. Sesaṃ mahāvibhaṅge vuttanayeneva veditabbaṃ. Ayameva hi viseso – tattha dasāhaṃ parihāro, idha ekāhampi natthi. Sesaṃ tādisameva.
ઇદમ્પિ કથિનસમુટ્ઠાનં – કાયવાચતો કાયવાચાચિત્તતો ચ સમુટ્ઠાતિ, અકિરિયં, નોસઞ્ઞાવિમોક્ખં, અચિત્તકં, પણ્ણત્તિવજ્જં, કાયકમ્મં, વચીકમ્મં, તિચિત્તં, તિવેદનન્તિ.
Idampi kathinasamuṭṭhānaṃ – kāyavācato kāyavācācittato ca samuṭṭhāti, akiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
પઠમસિક્ખાપદં.
Paṭhamasikkhāpadaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ભિક્ખુનીવિભઙ્ગ • Bhikkhunīvibhaṅga / ૧. પઠમસિક્ખાપદં • 1. Paṭhamasikkhāpadaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૩. નિસ્સગ્ગિયકણ્ડં (ભિક્ખુનીવિભઙ્ગવણ્ણના) • 3. Nissaggiyakaṇḍaṃ (bhikkhunīvibhaṅgavaṇṇanā)
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૧. પઠમનિસ્સગ્ગિયપાચિત્તિયસિક્ખાપદવણ્ણના • 1. Paṭhamanissaggiyapācittiyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૨. દુતિયનિસ્સગ્ગિયાદિપાચિત્તિયસિક્ખાપદવણ્ણના • 2. Dutiyanissaggiyādipācittiyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧. પઠમનિસ્સગ્ગિયપાચિત્તિયસિક્ખાપદ-અત્થયોજના • 1. Paṭhamanissaggiyapācittiyasikkhāpada-atthayojanā
