| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൯. പഠമനിദാനസുത്തവണ്ണനാ
9. Paṭhamanidānasuttavaṇṇanā
൧൧൨. നവമേ നിദാനാനീതി കാരണാനി. കമ്മാനം സമുദയായാതി വട്ടഗാമികമ്മാനം പിണ്ഡകരണത്ഥായ. ലോഭപകതന്തി ലോഭേന പകതം. സാവജ്ജന്തി സദോസം. തം കമ്മം കമ്മസമുദയായ സംവത്തതീതി തം കമ്മം അഞ്ഞേസമ്പി വട്ടഗാമികമ്മാനം സമുദയായ പിണ്ഡകരണത്ഥായ സംവത്തതി. ന തം കമ്മം കമ്മനിരോധായാതി തം പന കമ്മം വട്ടഗാമികമ്മാനം നിരോധത്ഥായ ന സംവത്തതി. സുക്കപക്ഖേ കമ്മാനം സമുദയായാതി വിവട്ടഗാമികമ്മാനം സമുദയത്ഥായ. ഇമിനാ നയേന സബ്ബം അത്ഥതോ വേദിതബ്ബം.
112. Navame nidānānīti kāraṇāni. Kammānaṃ samudayāyāti vaṭṭagāmikammānaṃ piṇḍakaraṇatthāya. Lobhapakatanti lobhena pakataṃ. Sāvajjanti sadosaṃ. Taṃ kammaṃ kammasamudayāya saṃvattatīti taṃ kammaṃ aññesampi vaṭṭagāmikammānaṃ samudayāya piṇḍakaraṇatthāya saṃvattati. Na taṃ kammaṃ kammanirodhāyāti taṃ pana kammaṃ vaṭṭagāmikammānaṃ nirodhatthāya na saṃvattati. Sukkapakkhe kammānaṃ samudayāyāti vivaṭṭagāmikammānaṃ samudayatthāya. Iminā nayena sabbaṃ atthato veditabbaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൯. പഠമനിദാനസുത്തം • 9. Paṭhamanidānasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൪-൯. സമണബ്രാഹ്മണസുത്താദിവണ്ണനാ • 4-9. Samaṇabrāhmaṇasuttādivaṇṇanā
