| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༩. པཋམནིདཱནསུཏྟཝཎྞནཱ
9. Paṭhamanidānasuttavaṇṇanā
༡༡༢. ནཝམེ ནིདཱནཱནཱིཏི ཀཱརཎཱནི། ཀམྨཱནཾ སམུདཡཱཡཱཏི ཝཊྚགཱམིཀམྨཱནཾ པིཎྜཀརཎཏྠཱཡ། ལོབྷཔཀཏནྟི ལོབྷེན པཀཏཾ། སཱཝཛྫནྟི སདོསཾ། ཏཾ ཀམྨཾ ཀམྨསམུདཡཱཡ སཾཝཏྟཏཱིཏི ཏཾ ཀམྨཾ ཨཉྙེསམྤི ཝཊྚགཱམིཀམྨཱནཾ སམུདཡཱཡ པིཎྜཀརཎཏྠཱཡ སཾཝཏྟཏི། ན ཏཾ ཀམྨཾ ཀམྨནིརོདྷཱཡཱཏི ཏཾ པན ཀམྨཾ ཝཊྚགཱམིཀམྨཱནཾ ནིརོདྷཏྠཱཡ ན སཾཝཏྟཏི། སུཀྐཔཀྑེ ཀམྨཱནཾ སམུདཡཱཡཱཏི ཝིཝཊྚགཱམིཀམྨཱནཾ སམུདཡཏྠཱཡ། ཨིམིནཱ ནཡེན སབྦཾ ཨཏྠཏོ ཝེདིཏབྦཾ།
112. Navame nidānānīti kāraṇāni. Kammānaṃ samudayāyāti vaṭṭagāmikammānaṃ piṇḍakaraṇatthāya. Lobhapakatanti lobhena pakataṃ. Sāvajjanti sadosaṃ. Taṃ kammaṃ kammasamudayāya saṃvattatīti taṃ kammaṃ aññesampi vaṭṭagāmikammānaṃ samudayāya piṇḍakaraṇatthāya saṃvattati. Na taṃ kammaṃ kammanirodhāyāti taṃ pana kammaṃ vaṭṭagāmikammānaṃ nirodhatthāya na saṃvattati. Sukkapakkhe kammānaṃ samudayāyāti vivaṭṭagāmikammānaṃ samudayatthāya. Iminā nayena sabbaṃ atthato veditabbaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༩. པཋམནིདཱནསུཏྟཾ • 9. Paṭhamanidānasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༤-༩. སམཎབྲཱཧྨཎསུཏྟཱདིཝཎྞནཱ • 4-9. Samaṇabrāhmaṇasuttādivaṇṇanā
