| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៩. បឋមនិទានសុត្តវណ្ណនា
9. Paṭhamanidānasuttavaṇṇanā
១១២. នវមេ និទានានីតិ ការណានិ។ កម្មានំ សមុទយាយាតិ វដ្ដគាមិកម្មានំ បិណ្ឌករណត្ថាយ។ លោភបកតន្តិ លោភេន បកតំ។ សាវជ្ជន្តិ សទោសំ។ តំ កម្មំ កម្មសមុទយាយ សំវត្តតីតិ តំ កម្មំ អញ្ញេសម្បិ វដ្ដគាមិកម្មានំ សមុទយាយ បិណ្ឌករណត្ថាយ សំវត្តតិ។ ន តំ កម្មំ កម្មនិរោធាយាតិ តំ បន កម្មំ វដ្ដគាមិកម្មានំ និរោធត្ថាយ ន សំវត្តតិ។ សុក្កបក្ខេ កម្មានំ សមុទយាយាតិ វិវដ្ដគាមិកម្មានំ សមុទយត្ថាយ។ ឥមិនា នយេន សព្ពំ អត្ថតោ វេទិតព្ពំ។
112. Navame nidānānīti kāraṇāni. Kammānaṃ samudayāyāti vaṭṭagāmikammānaṃ piṇḍakaraṇatthāya. Lobhapakatanti lobhena pakataṃ. Sāvajjanti sadosaṃ. Taṃ kammaṃ kammasamudayāya saṃvattatīti taṃ kammaṃ aññesampi vaṭṭagāmikammānaṃ samudayāya piṇḍakaraṇatthāya saṃvattati. Na taṃ kammaṃ kammanirodhāyāti taṃ pana kammaṃ vaṭṭagāmikammānaṃ nirodhatthāya na saṃvattati. Sukkapakkhe kammānaṃ samudayāyāti vivaṭṭagāmikammānaṃ samudayatthāya. Iminā nayena sabbaṃ atthato veditabbaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៩. បឋមនិទានសុត្តំ • 9. Paṭhamanidānasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៤-៩. សមណព្រាហ្មណសុត្តាទិវណ្ណនា • 4-9. Samaṇabrāhmaṇasuttādivaṇṇanā
