| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૯. પઠમનિદાનસુત્તવણ્ણના
9. Paṭhamanidānasuttavaṇṇanā
૧૧૨. નવમે નિદાનાનીતિ કારણાનિ. કમ્માનં સમુદયાયાતિ વટ્ટગામિકમ્માનં પિણ્ડકરણત્થાય. લોભપકતન્તિ લોભેન પકતં. સાવજ્જન્તિ સદોસં. તં કમ્મં કમ્મસમુદયાય સંવત્તતીતિ તં કમ્મં અઞ્ઞેસમ્પિ વટ્ટગામિકમ્માનં સમુદયાય પિણ્ડકરણત્થાય સંવત્તતિ. ન તં કમ્મં કમ્મનિરોધાયાતિ તં પન કમ્મં વટ્ટગામિકમ્માનં નિરોધત્થાય ન સંવત્તતિ. સુક્કપક્ખે કમ્માનં સમુદયાયાતિ વિવટ્ટગામિકમ્માનં સમુદયત્થાય. ઇમિના નયેન સબ્બં અત્થતો વેદિતબ્બં.
112. Navame nidānānīti kāraṇāni. Kammānaṃ samudayāyāti vaṭṭagāmikammānaṃ piṇḍakaraṇatthāya. Lobhapakatanti lobhena pakataṃ. Sāvajjanti sadosaṃ. Taṃ kammaṃ kammasamudayāya saṃvattatīti taṃ kammaṃ aññesampi vaṭṭagāmikammānaṃ samudayāya piṇḍakaraṇatthāya saṃvattati. Na taṃ kammaṃ kammanirodhāyāti taṃ pana kammaṃ vaṭṭagāmikammānaṃ nirodhatthāya na saṃvattati. Sukkapakkhe kammānaṃ samudayāyāti vivaṭṭagāmikammānaṃ samudayatthāya. Iminā nayena sabbaṃ atthato veditabbaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૯. પઠમનિદાનસુત્તં • 9. Paṭhamanidānasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૪-૯. સમણબ્રાહ્મણસુત્તાદિવણ્ણના • 4-9. Samaṇabrāhmaṇasuttādivaṇṇanā
