| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౯. పఠమనిదానసుత్తవణ్ణనా
9. Paṭhamanidānasuttavaṇṇanā
౧౧౨. నవమే నిదానానీతి కారణాని. కమ్మానం సముదయాయాతి వట్టగామికమ్మానం పిణ్డకరణత్థాయ. లోభపకతన్తి లోభేన పకతం. సావజ్జన్తి సదోసం. తం కమ్మం కమ్మసముదయాయ సంవత్తతీతి తం కమ్మం అఞ్ఞేసమ్పి వట్టగామికమ్మానం సముదయాయ పిణ్డకరణత్థాయ సంవత్తతి. న తం కమ్మం కమ్మనిరోధాయాతి తం పన కమ్మం వట్టగామికమ్మానం నిరోధత్థాయ న సంవత్తతి. సుక్కపక్ఖే కమ్మానం సముదయాయాతి వివట్టగామికమ్మానం సముదయత్థాయ. ఇమినా నయేన సబ్బం అత్థతో వేదితబ్బం.
112. Navame nidānānīti kāraṇāni. Kammānaṃ samudayāyāti vaṭṭagāmikammānaṃ piṇḍakaraṇatthāya. Lobhapakatanti lobhena pakataṃ. Sāvajjanti sadosaṃ. Taṃ kammaṃ kammasamudayāya saṃvattatīti taṃ kammaṃ aññesampi vaṭṭagāmikammānaṃ samudayāya piṇḍakaraṇatthāya saṃvattati. Na taṃ kammaṃ kammanirodhāyāti taṃ pana kammaṃ vaṭṭagāmikammānaṃ nirodhatthāya na saṃvattati. Sukkapakkhe kammānaṃ samudayāyāti vivaṭṭagāmikammānaṃ samudayatthāya. Iminā nayena sabbaṃ atthato veditabbaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౯. పఠమనిదానసుత్తం • 9. Paṭhamanidānasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౪-౯. సమణబ్రాహ్మణసుత్తాదివణ్ణనా • 4-9. Samaṇabrāhmaṇasuttādivaṇṇanā
