| Library / Tipiṭaka / ติปิฎก • Tipiṭaka / วิมานวตฺถุปาฬิ • Vimānavatthupāḷi |
๑๐. ปฐมนาควิมานวตฺถุ
10. Paṭhamanāgavimānavatthu
๙๖๑.
961.
‘‘สุสุกฺกขนฺธํ อภิรุยฺห นาคํ, อกาจินํ ทนฺติํ พลิํ มหาชวํ;
‘‘Susukkakhandhaṃ abhiruyha nāgaṃ, akācinaṃ dantiṃ baliṃ mahājavaṃ;
อภิรุยฺห คชวรํ 1 สุกปฺปิตํ, อิธาคมา เวหายสํ อนฺตลิเกฺขฯ
Abhiruyha gajavaraṃ 2 sukappitaṃ, idhāgamā vehāyasaṃ antalikkhe.
๙๖๒.
962.
‘‘นาคสฺส ทเนฺตสุ ทุเวสุ นิมฺมิตา, อโจฺฉทกา ปทุมินิโย สุผุลฺลา;
‘‘Nāgassa dantesu duvesu nimmitā, acchodakā paduminiyo suphullā;
ปทุเมสุ จ ตุริยคณา ปวชฺชเร, อิมา จ นจฺจนฺติ มโนหราโยฯ
Padumesu ca turiyagaṇā pavajjare, imā ca naccanti manoharāyo.
๙๖๓.
963.
‘‘เทวิทฺธิปโตฺตสิ มหานุภาโว, มนุสฺสภูโต กิมกาสิ ปุญฺญํ;
‘‘Deviddhipattosi mahānubhāvo, manussabhūto kimakāsi puññaṃ;
เกนาสิ เอวํ ชลิตานุภาโว, วโณฺณ จ เต สพฺพทิสา ปภาสตี’’ติฯ
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
๙๖๔.
964.
โส เทวปุโตฺต อตฺตมโน, โมคฺคลฺลาเนน ปุจฺฉิโต;
So devaputto attamano, moggallānena pucchito;
ปญฺหํ ปุโฎฺฐ วิยากาสิ, ยสฺส กมฺมสฺสิทํ ผลํฯ
Pañhaṃ puṭṭho viyākāsi, yassa kammassidaṃ phalaṃ.
๙๖๕.
965.
ถูปสฺมิํ อภิโรเปสิํ, ปสโนฺน เสหิ ปาณิภิฯ
Thūpasmiṃ abhiropesiṃ, pasanno sehi pāṇibhi.
๙๖๖.
966.
‘‘เตน เมตาทิโส วโณฺณ…เป.…วโณฺณ จ เม สพฺพทิสา ปภาสตี’’ติฯ
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
ปฐมนาควิมานํ ทสมํฯ
Paṭhamanāgavimānaṃ dasamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / วิมานวตฺถุ-อฎฺฐกถา • Vimānavatthu-aṭṭhakathā / ๑๐. ปฐมนาควิมานวณฺณนา • 10. Paṭhamanāgavimānavaṇṇanā
